Chawnghilh's Blog

Beraw-Tlâng Beatles Night October 1, 2009

Posted in Qualitus : Habitus by chawnghilh on October 4, 2009

An thàwm “Liando bûr chhe tè (mono-tone)” ang tleng tleng kha ni mah ni se —khawvèl chu an chiah hneh ve tlat! Sol-fa nèna rimawi tirì tluk tluka tiri bûng bûng vek, beat fel fai awmze nei takin musician-ten khawvèl an hnùk kal a, chutih laiin British râwlthar, kum 1940 leh 1942 inkâra rawn piangchhuak —thian pali rualin beat buai chuang si lovin, beat thar —BEAT+LESS hmangin khawvèl rimawi an rawn duang ta … làmtîr theih apui leh mittui nèna kùrpui thei an ngah ta ber zù’nia! USA lam fàwn thleng thla hmasa ber an hlate zînga mi i târlang khiah teh ang —

Oh yeah, I’ll tell you something
I think you’ll understand
When I say that something
I want to hold your hand
I want to hold your hand,
I want to hold your hand.
Oh, please say to me
You’ll let me be your man
And please say to me
You’ll let me hold your hand …
And when I touch you
I feel happy inside
It’s such a feeling that my love
I can’t hide, I can’t hide, I can’t hide.
Yeah, you got that something
I think you’ll understand
When I say that something
I want to hold your hand
And when I touch
You feel happy inside
It’s such a feeling that my love
I can’t hide, I can’t hide, I can’t hide.
Yeah, you fot the something
I think you’ll understand
When I feel that something
I want to hold your hand ….

Zaithiam tak Dâduhi hla sak pakhat, “A va mak èm!” tia bul intan nghàl pawp a awm! Ngaithlatû bengah, HRIAT BELH CHHUNZAWM chàkawm thil a awm zui tlat … Grik-ho thuchheh thiam tak tak te thu-chheh tan dàn a khùm ta hial elo maw chu … chutiang bawkin Beatles-hovin, “OH YEAH!” tiin, khawvèl thalai zauthau hmâah hla thu ho tè anga langin an han khèk ri rawih a, tunge a beng tùn (beng chhî) lo thei ang ni?

Very very simple English-a phuah, simple structures with an ocean depth meaning-in an rawn tè chhuak, sùkbùklèn atang pawhin kan lo imitate ve thiam tlat, pawnto hlaah pawh kan hmang zui thei hial —”Min tanpui r’u, chhan tlàk ka la awm e,” tih thàwm ang chiahin tute mai pawhin an lo dawngsawng ta —va hnaihchilh inkau vekte hmâa rawn au chhuak ang chiah an ni … an thàwm rìvà ripple val chhuak chuan khawvèl khawthlang lam leh khawchhak lam Zoram pawh a rawn fàwn thleng rang hle a ni!

Zofate zîngah Pu Dârrikhùma te nupain North America leilung an rap hmasa ber a, kum 1964 hun lai kha a ni! Chutih lai chuan Beatles-hoten USA an la lùt thei ve mêk; an hla, “I want to hold your hand,” an ziahna Jane Asher-i kawmhnuai (basement)-ah a ni a; Paul-a bialnû kawmhnuaia John Lennon-a’n a thai chhuah ve mai zawng a ni, lehkha-phèk a sêng tam lo hle —mahse, mi tam takte lehkhabu chhah pui pui thuchahte aia a rilna phawk-fuh tân chuan, KAN lo zauthaupui thei hle a ni ber e. Kum 1963 vèlah kha chuan a làr ve tawh hle mai.

Kum 1964, February thla a rawn nih meuh chuan … “I want to hold your hand,” USA-ah ngei an sa thei ve ta a … YOUR HAND tih lah chu koki-dàr (shoulder) atanga chawr chhuakte hi an lo ni lo baksak mai si … âwmbâwr atanga hma lama chawr chhuak a lo ni daih vèl! A hrethiam laklawh tân chuan … hla thu ngaihthlàk paha mitthlà chem chem tùrah an chiang khawp ang chu!

Ringo —a pumraw tè ber hi a zawhte upat lawi a, John-a nèn hian kum thuhmun 1940-a piang an ni. Paul leh George te hi kum thuhmun tho, 1942-a piangte an ni ve thung. Kum 29 leh 27 an nihin khawvèl thalaite hma an hruai mai a ni lo; an ruala kaltîr an thiam a, an mawng an dàwmsak thei vek niin a lang tel bawk.

An Manager Brian Epstein kha 1967-ah a boral ta mai si a; mi hlawhtling la valai tak an nih avàngin, ruihtheih leh ruihtheih loh thil avàngin, inkawmngeih reng sèn a lo ni lo. Kum 1967-’69 inkâr chhûng phei kha chuan mahnî mual mualah an han ramtang leh thùl. Engpawh ni se, kum sawm chhûng chu an khawsaho, ti ila a fuh ber mai àwm e. Lung tilêng zual mai tùrin!

Indopui II-na hun lai khân British sipaite an che tha viau … Zoram-a Japan râl rawn lùt tùr pawh an lo dangchat (stemmed) thei a; mahse, Japan hmeichhia hi an lo hruanghrau deuh a ni mai thei —Yoko Ono meuh British Rock Band-a a rawn inrawlh ve achinah —thil a kal fuh zui ta meuh lo a ang! An ngam chiah lo chu a ni èm si lo!

Zofa thalaite zîngah, a bìkin mipa-râwlthar zîngah Beatles-ho an làr ta viau. Tlin leh tlin lovin, chhûng tina nu leh pa —fapa nei tawh rèng rèngten Cowboy Jeans zuih an tuak a ngai ta! Luhaina chi khat a tling! Pastor leh Upate pawhin WORK ORDER an ngah phah hle. Thlaraua khat vak lo tân phei chuan Beatles-ho hùhâng an hneh meuh thìn lo! Beatles style —an kekawr zuih chin tan lai leh Pu Laldênga tanlàk hunin a rawn innang chho —kekawr zuih hàin kum 20 dâwn lai —1966 atanga 1986 inkâr kha Music chi dang, puak muang leh puak rang nèn—kan Mizo tlangvâlte pawhin kekawr zuih kan chìng zui ta.

March 1, 1966 (Tuesday) kha kan la hre chiang fûin a rinawm —Lunglei lamah chuan Rambuai silai puak hmasa kha February 28, 1966 (Monday) zànlaiah a intan a, Lusei Hills hmàr lamah erawh chuan March 1, 1966-ah a ni thung.

Khatih lai vuakvèt chiah khân March 4, 1966-ah John Lennon-a thusawi pakhat chuan khawvèla Ringtute ngêng a chhun zualkai ta deuh, “On March 4, 1966, he said this: “Christianity will go. It will vanish and shrink. I needn’t argue with that; I’m right and I will be proved right. We’re more popular than Jesus now; I don’t know which will go first — rock ‘n’ roll or Christianity. Jesus was all right but his disciples were thick and ordinary. It’s them twisting it that ruins it for me.”

Mahse, he Lennon-a thusawi hi Politics avànga kan rammutna rampalailêng atang khân kan hre chhunzawm pha tawh chuang lo. Kan thil hriat kha a chhumbung tawh a, an sawi Hiroo Onoda (Indopui II-na hun laia Japan sipai) ang maia ngawng kan nihna chen a awm ta si! Hun engthàwl leh hretah khân, “Lennon-a chu, a zàn lêng haw lam, tuemaw-in autograph ziak tùrin a lo dîl a; mahse, a kàp hlum zui —chu pa chu Mark Chapman a ni …” tih thu kha kum 1980 December thla bulah khân kan han hre ta chiah mai kha … a va na chawk chawk èm!

George Harrison-a biang hmul ringawt pawh kan hmu tai teh mai asin —an sam zuah sei lah, Zofa inti-mipa chin tawhphawt chuan STYLE tùrah kan ngai hrim hrim! Pu Duhsaka rilru ka’n tina èm lo’ng chu! Mizo tlangvâlten nulàt hun an hman tel ve vek nachhan kha eng dang a ni lo, BEATLES vàng vek!

Khatia George, India ram a rawn zin thute kha Cyclostyle-in kan inhrilh pung ve nasa mai a; Sitar tingtang perh a zir thu thlengin hahîpin kan sawi, Hindu-a a inpe ta khèr erawh kha chuan, kan Mizo Kristianna dàvà tak mitmeng a tiphàwk ve hial! Ani pawh cancer-in 2001-a a lo keuhthluk hlen dànte kan han hre zui a —chhûng leh khat boral tlukin kan ngai deuh vek a ni. Athanga Group tân phei chuan, “While my guitar gently weeps,” phei kha chu amah Harrison-a sùnna a chang hial ta ve ang.

Pawisa chungchângah hian inhmuhthiam loh hi a awl duh viau a niang, anni thianzaho pawh inbakkaih chat chat châng an nei ve fo mai a, John Lennon lahin Paul McCartney a lo KAP lunghnûr ve zauh châng a lo awm thùl … mahse, hèng thianzaho hi Zofa thalai la awm lehzèl tùr chàngah ni lovin, khawvèl thalai rawn piang lehzèl tùr te pawhina an la ngainat reh theih loh icon an luah chiang hle! An kekawr ang ka hàk hi a mawng bel ngai fe a nih pawha ka hlìp mai mai tawh lo leh style dang hian mi bawhbuai loh avànga an chanchin tlêm tè leh Mizo thalaite rilrua an lo intuh nghehzia ka rawn ziak ve chauh a ni ber e. In zînga tel ka va thlahlel tak èm, a ziaktu ni ngawt lova, hun ren miah lova SAWITU nih ka thlahel. Beatles puala NIGHT siamtute leh chhimtute —in vaiin DUHSAKA HUAIHAWT-ah duhsakna chibai ka hlàn a che u.

——————————- 

 

Your short and crafty article was appreciated and people keep on asking who chawnghilh is. Even the band members who frequented misual were surprised to see your article.

With you guys moral and real time support it went off well much beyond our expectation. It was nice and satisfying to see folks enjoyed the night and this has encouraged us to attempt next event. Got news that Saithangpuia got his citizenship, congrats to him.  — Bye,  Mzvision

 

 

Advertisements

One Response

Subscribe to comments with RSS.

  1. Online Stock Trading said, on October 16, 2009 at 1:08 pm

    Hey, I found your blog while searching on Google. I have a blog on online stock trading, I’ll bookmark your site.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: