Chawnghilh's Blog

Potomac lamah aw!

Posted in Qualitus : Habitus by chawnghilh on October 5, 2009

 

Potomac lui kam tuaka thingkung a la hrìn dup hi chuan October thla a la inbâng kai lo tih a hriat theih mai a; vaukam lungpui khawkrawk tuiin a chìm pûng hun lai a nih phei chuan June, July hun lai tih a hriat theih mai bawk! A tlângpui thuin March thla tàwp leh April thla intan chhova —chungthla dèt innàn chhoh hun lai hi luia sanghate man phalna la hmasàin —nghakuaia chiah an phal a. Sangha man nuam ti mî tân chuan hun khawhralna nuam tak a tling ve hranpà hrim hrim a ni.

April thla chho khân, Lushai-Chhokra nèn kan chhuak ve ngial a. Fishing-rod kan nei tha hle, a line lah lui dung tluan chen deuhthàw tùr a spool-in kan nei. A bait tùr lah changpàt man to ber ber chi kan lei. A permission lah —lehkha phèkin kawr hma iptè-ah kan ak thàn mai le!

Vaukam nuam lai panin, lung-khàwkrawk kârah thuthmun kan han rem fel  tè tè a. Sangha awmna lai àwm tùr thlìr hmasak ai chuan —beer can bawk chu kan kheuh hawng ri pawp pawp thung a, nui sâng chungin kan dawm phuan so liam zaih zaih reng mai le. A nuam danglam ve viau!

Zun lah a chhuak sek mai a, ramhnuaia khawhtîr mai mai thiang hek suh, lungpui phèn biru lam chuhin West Virginia lam hawiin kan khawhtîr teu teu reng mai a. Nghakuai chiah nuam ti pâwl tak chu kan ni ve mai thei asin le! Red Wine pawh tlâng bum nân soda ûmpui-ah kan thun a —beer nèn kan tauh chhàwk sek a … a nghàwng a na alh alh hle! Washington DC thlèrpui lùn kan tlàn pelh lai kan hre tawh lo va, lamlian kawngpui lai taka double yellow lines pawh ‘rìn 4 laia inrîn’ ni vek maiin kan hmu a … kawng chu kan zawh fuh a niang —mahnî khùmlaizâwl chu kan thleng ve leh mial! Kan Camera kan han check chian meuh chuan … Washington DC thlèr tin mai-ah sàp nula pakhat telin thlâ kan lo là chu niin! Thla latu zàwk ka ni miau va, khà sàpnu hming pawh kha kei chuan ka hre ve ta hauh lo mai! 😀

Kayaking up the river Potomac

River Potomac

Against the rapids

Against the rapids

Rapids the limit

Rapids the limit

Advertisements

One Response

Subscribe to comments with RSS.

  1. s sailo said, on October 6, 2009 at 1:45 am

    Red Wine chu ka va in ve chak reuh.. a tuitling hi chu a ninawm ve tawh tlats! BEER’ HU HOOOOOO ka duh raps min lo in keps ve mai rawh un….thangkhiu,


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: