Chawnghilh's Blog

Back from Berkeley Springs, WV

Posted in Qualitus : Habitus by chawnghilh on October 12, 2009

Ka up-load hmâin mi 88-in in lo hawng tih ka hmuhin —ka thatchhiat deuh hlekah min lo ngaithiam teh u. Tùnlai kan awmna chu thlasik rim a nam ta riau mai a, pindan chhûngah pawh a lum chi kan hmang tan ve leh ta. Fahrenheit 55, Celsius 12.77 vèl a nih chu —tar-ruhseh nei tân chuan pâwna chhuah a peih awm leh dâwn ta lo riau mai!

October 11, 2009 — Nizàn chu ETZ HAYIM (Torah and Commentary) ka inzir tui lutuk a, ka tlaivâr tawp mai a. Tùkin zîng ka ban tlang dèr mai a. Duan làwk tawh angin, mêl 104 tlàn chhuak tùr kan ni a —zîng dâr 9:45 AM vèlah kan tlànchhuak thei chauh va. Tlai tawh nàk alaiin Viers Mill lamlian kawngpui an lo repair mup mup si a, mêl 6 dâwnthaw lai an repair ang chu —bumper to bumper-in kan insi khup mai a. Hun a rei duh viau!

Kan zinna chin in hmuh ve zèl atân ka duh a, a thlalàk pawh 500 chuang ka hàwn a —tàrlan kim sèn a ni dâwn lo va. A then azâr tilang ila. Mahse, ka chèt a fuh lo deuh va, nimin chawhnu khân ram mawi ber laia ka hriat ka la fuh thei hauh lo a. Chawhnu thlang herah khân nî khawthlangah a lo awm hman tawh si, ram mawi —Ohio leh Pennsylvania lang kawp ruih mai, a inrìnaa Potomac luipui, chèngkawl-tuihâng ang ruih maia paw-hring nghulh —mawi takin ka la thei ta hauh lo mai a, against the light a lo ni hman tawh sì … pawi hi ka’n ti vawng vawng khawp a! Chawhma lamah nang hman ni ila chu —chhuang taka rawn tàrlan tùr ka neih dâwn vei nèn!

Still green on road sides

Still green on road sides

Some patches are colorful

Some patches are colorful

Kal lam —270 North-a kan tlàn chhûng darkar khat thuak a ni. Dinglam 70-ah pêngin thui fe kan tlàn a, 522 South-ah vei lamah kan kual lùt a, Maryland leh West Virginia inrìna COUNTRY ROAD a lo ni mai tawh a. Chuta tang chuan thui kan tlàn tawh lo —mêl 5 emaw àwrh chauhvah Berkeley Springs hi a awm a; George Washington-a tàlna than ram a ni thìn. Tui hmun —a inbualna tuikhur pawh a thlâte ka rawn la nual. Tùnah chuan inte sàin SPA an ti mai a, tui sa chik chhuak hrim hrimah damna atân inbualna an siamna a rei tawh —ka uih ther ther lo bawk a, ka inbual lo —US $ 40 vèlin a inbual theih a —minute 30 an malis ang che! Massage chhûng 60 minutes a nih chuan US $63  chawi a ngai a, tar lam tân chuan a to hret —$ 72 a ngai! Naupang tân, massage lovin US $20.

CARNIVAL a ni ve ber awm e … Lawng-mi Christopher Columbus-a ten he ram an rawn thlen hun lai season denchhena he Kùtpui hi siam an ni ber a —mi-ngo teenagers-hovin nuam an han ti thei mai mai khawp a. Cell-phone an ak a, Zoram-a kan thalaite nèn an danglamna ka hre lo. An inha mar ve hle a, an hmet melh melh chhèn a, an in call zen bawk a. A inkawpa awm nachâng lah an hre ve pherh èrh a. Ni ve hàng hàng tak an ni  … Mizo tawngin an tawng lo a ni ber mai!

West Virginia leh Virginia hi hriat-pawlh loh tùr! West Virginia hi USA-a state zîngah a rethei ber a; tùnhmâ lam chuan, a sum làkluh vena ber lei-hnuai lam hausakna —lungalhtheite kha a chhawr tangkai ve viau; mahse, thil a changkàng ta zèl a. Liquid Petroleum lam khawiah pawh an lo chelek nasa tawh bawk si. Tihngaihna vak a awm tawh lo —lungalhthei khur chima thihna erawh a tlèm phah ta. Cement Factory pawh Berkeley Springs thlen hmâ hian kan tlàn pèl fua fua a, chu pawh chu leilung hnuai hausakna atanga siamchhuah tho a ni ber e.

Berkeley Spring veng thenkhat
Berkeley Spring veng thenkhat


Berkeley Springs hi TUICHIKCHHUAK an neih vànga SPRINGS tih hmingchawi tel an ni. Khatia George Washington-a kum 16 mi a nih laiin —he tuilum-chikchhuak hmuchhuaktute zîngah a tel ve hial a, a diary-ah pawh, “March 18th, 1748, We this day called to see Ye Fam’d Warm Springs,” tiin a lo ziak nghe nghe. Native American-ho phei chuan DAMNA TUI tiin, rinrâwlah an lo nei tawh thìn a ni. Imageshack atanga ka rawn up-load nachhan chu —ka rawn tihlan zawng zawng an lan kim theih loh vàng a ni ber e … a rit ru deuh pawh a ni mai thei! Tin, thlalàkte hi a liana in thlîr duh a nih chuan —chhàwng hnihin a la click leh theih a, Computer monitor tiat pawp pawhin in lo thlîr thei tho vang.

http://img190.imageshack.us/img190/4743/dsc0135fc.jpg

http://img126.imageshack.us/img126/6484/dsc0149.jpg

A chunga mi khi Tuilum-chikchhuak leh inbualna in (Spa) an siam chu a ni. George Washington-a kha helai tlawh hian a kal zing hle, an ti.

http://img193.imageshack.us/img193/3131/dsc0297g.jpg

Berkeley Castle a nih khi —kum 1800 hnu lama an sak a ni. Tuilumchikchhuak atang khân kein ka chho va; lung vawm phak vèla hlaa awm a ni, han ti ila a chiang awm lo —chhoh vawm ni lovin, chhuk vawm zâwngin! A pui khawp mai. A hnaivai atanga ka làk chu ka rawn târlang rih lo mai! Tùnah chuan Berkeley khaw chhûnga an thil zawrh eng engemaw i târlang teh khiah ang aw —thlalàk hi a size tè hretin ka rawn up-load ta mai, up-load hun chhûng a duh rei a, in hmanhmawh hlawm àwm si a, ka nghàk khawmuang peih vèl tlat lo!

http://img17.imageshack.us/img17/2369/dsc0185zg.jpg

http://img63.imageshack.us/img63/570/dsc0082u.jpg

Picture upload hi a harsa phian mai, ka upload ngheng tawh a —mahse, khaw’nge a pil bo hlawm ni —a chi dangin ka rawn up-load hrim hrim ang —enga’ti nge ni vei!

Biak In leh Zu zawrhna chu a inzawm vek! Luh duhna zàwk zàwka luh mai kha DUHTHLANNA THIANG a ni mai!

http://img8.imageshack.us/img8/4155/dsc0218dc.jpg

Apple-butter siam dàn hre chiang chakin CHHASS-te pawhin an chawh-kawina kuang an rawn vuan ve a ni ber e.

http://img8.imageshack.us/img8/2916/dsc0233k.jpg

http://img8.imageshack.us/img8/6195/dsc0108gs.jpg

http://img8.imageshack.us/img8/4060/dsc0096xl.jpg

WELCOME!

Len luhna thlàkhlelhawm with great infatuation —
Advertisements

3 Responses

Subscribe to comments with RSS.

  1. Zaia said, on October 13, 2009 at 4:40 am

    A ngaihnawmin a hmuhnawm e. I blog hi tlema siam danglamin, a huamchin hi tizau deuh la. Tun ai hian thlalak lian deuh hlek thei se. Tin, WordPress-ah hi chuan imageshack-a va lut kher lovin, direct link khan thlalak a post theih tlatin ka hre deuh a. Kei aia thiam zawh tur an awm ngei ang.

    Ka lo chhiar zel e.

  2. Mzvision said, on October 27, 2009 at 2:00 am

    I thlalak te hian thu tamtak a sawi zela, mahse a dang kan lo beisei zel dawn erawh hi chuan a vah hnem tir che anih pawhin hlut taka lo en zel zingah ka tel e

  3. addelftrend said, on November 24, 2009 at 7:07 am

    I highly enjoyed reading your article, keep on writing such interesting posts.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: