Chawnghilh's Blog

Hmun Thenkhat Thlalàk

Posted in Qualitus : Habitus by chawnghilh on October 13, 2009

Mita thil hmuh hi a chiang duh ber mai —chuvàngin, milem hi tàrlang chhèn mai ila —thuziak chiam chiam ai chuan a chiang zèl zàwk pawhin a rinawm. Tin, Blog hmêlhmang hi kan thlàk danglam chhin mêk a, thuziakna hmun hi lian deuh zàwka lang tùrin a chhiar thangin min rawn fuih harh bawk a. Kan han tichhaichhin rih ta a ni. Hei aia siam mawi lehzual dàn a la awm a nih chuan kan thlàk ni tin mai ta lo’ng! A tha apiang a tha  a ni mai!

Country-Road (9 E bound Red Car)

Country-Road (9 E bound Red Car)

A hmunhmâ hi nuam tak a tling zèl mai —ngaw hnuaiah hian mi-hausaten fâl takin in an sa a, intihhlim nân hun an zu hmang zawk a —chawlhkâr tluana hna rim tak thawk zawm leh tùrin an khawvèl hun an hmang hmiah hmiah mai a ni ber e. Misual laka fîmkhùr erawh chu ngai tak a ni. Abìkin West Virginia hi silai lei pawp pawp nân State zalèn ber a ni. Identity Card pawh ngai lova silai lei theihna hmun a ni a —lei tawh vèk vèk chuan mahnî chènna State-a hawn a har tawh lo.

Damna Tui nia Red Indian-ten an ngaih thin chu

Damna Tui nia Red Indian-ten an ngaih thin chu

A dang pawh i thun leh zèl teh ang … Blog tihdanglam hnu hian a upload awlsàm dàn ka thiam phah hretin ka hria. Ka khawih lohna hi a rei tawh lutuk a, 2001 kuma kan intihthiam ve vèl nèn! Thiam hnu hi a lo theihnghilh theih dâwn khawp mai!  Hetia ka’n thiam belh leh deuh tawh hi chuan —kan ti ngheng zèl tawh mai a niang chu! A hma kha chuan HTML atangin ka bei hmasa tè tè a, justification vèlah hun ka hmang rei thei a, tùnah erawh chuan a vih pawh tùr tool box awmna ka hre chiangin ka hmu fuh tawh bawk a! Ka theihnghilh tawh mai mai dâwn lo!

Sap tleirawl pheikhawk bun lai

Sap tleirawl pheikhawk bun lai

A har lo riau mai, ka’n tihbelh zèl chhin! Nimin vèla ka rawn upload khân picture kha a lang kim thei lo vèl a, panga ka upload pawhin pahnih a lang chauh va. A ngeiawm duh khawp mai! A caption-a ka hmante kha a infin kual vèl a. An chiau-hiar ru khawp! Ka ning hman hle a, chuvàng tak chuan imageshack lam kha ka rawn hmang ta ringawt a nih kha … a awl ta lutuk hi a manganthlàk ta mah mah zàwk e. Ziah tàwp nachâng hre lovin, thlalàk hi 1,000 aia tam kan thun ang tih pawh a hlauhthàwnawm ta zàwk e. Test leh nân —thlalàk pakhat i târlang belh leh teh ang :

Chhas inhàwrkhawm

Chhas inhàwrkhawm

Ka thiam chiangkuang ta! Ka theihnghilh mai mai dâwn tawh lo!

Advertisements

One Response

Subscribe to comments with RSS.

  1. Zaia said, on October 14, 2009 at 4:53 am

    Haha! Thiam chian tawh chuan a that nasat chu… Sap tleirawl pheikhawk bun tur kher kher i’n la te, a hnuaia chhas inhawrkhawm i’n hmet leh keuhte hi mit kham tihreh nan chuan a tha ve mai mai khawp mai.

    Nizan khan ‘The Assassination of High School President’ tih ka en a, i thlalak dah hnuhnun pahnihte hian ka mit an lak tak tlat chu!!

    Tak a, hmanah, sap ni si, saptawng thiam lo ka hmu tawh!! 😀


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: