Chawnghilh's Blog

Milem Tharlâm

Posted in Qualitus : Habitus by chawnghilh on October 13, 2009

US thalaiten Cell phone an tleipui

US thalaiten Cell phone an tleipui

Tlei ve tak an ni, tlei ve tak —kan Zoram thalaite nèn an dang chuang lo. Chewing gum an thial ve tho va, thil thlum an liak ve dawk dawk a. An kawppui mi àwm an kalpui ve fir fer a. Kum 13 atanga kum 16 mi àwm vèl lek lek chu an ni, a tlângpui thuin an mipate an lang tè zàwk deuh zèl. Kum lamah inrual mah se, mipa than a la thu deuh rih a, hmeichhia an pumrua a len hmèl deuh zàwk zèl … an han hlim thei ve hàw hàw khawp a —tu’ dang an ngai lo khawp mai!

A group tè tèin an thu khàwm ve laih a, eng thu nge an sawi kan hre pha lo nàin —an ri ve ham ham mai. Kekawr khùp leh malpui zàwn pawp tih vèl an fad a la ni rih a niang —kekawr-ah hian jeans tha tak tak an inbel chuang hran lo, khawchhak jeans an ha ve mai zawng a ni. Englai mai pawh hian an cell phone hi an kheuh neuh neuh reng mai a —va biak apui pawh an nei deuh reng ni berin a lang! He tleiràwl pawh hi ka piah deuhvah a huhovin an thu vei dal a, an rì hàng hàng mai a —a nui mawi reuh zèk a, ” … zoom lens keng na’reng a,” ka inti a, ràlkhat atangin ka lo la zeih a nih hi! Ràlkhat hla lehzual atangin in lo thlîr thei ve dâwn ta reng mai!

Chawnghilh’s Blog pui roh hi —thlalàk hi hei aia tè hret chu cigarette package tiat lek kha a ni a, hemi size-a ka tih lah hian a BORA hem hem leh lutuk a —te reuh tè anga lang, ka rawn tàrlan ang kha chu han click zeuh ula  —lian tak takin a en theih tho asin le! Up-load hmasak tawhho kha han click hnan chiah teh …

Halloween a hnai leh ta! Mai tai an zuar nasa leh hle tawh mai —he in pawh hi maimawm rîl nèna lang Devilish thei ang ber tùrin an chei nasa hle. Ramhuai lem nen, American Christian-ho hian milem-be mite kùtpui hi an Kristiannaah hian an chhawm lùt nasa viau. Mizoram Kristiante aiin an chhawm lùt hnem fê zàwk!

Halloween a hnai leh ta

Halloween a hnai leh ta

Halloween a hnai leh ta

Advertisements

One Response

Subscribe to comments with RSS.

  1. black hattitude said, on October 22, 2009 at 2:51 pm

    Hi,

    thanks for the great quality of your blog, every time i come here, i’m amazed.

    black hattitude.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: