Chawnghilh's Blog

Hard Rock Cafe

Posted in Qualitus : Habitus by chawnghilh on October 14, 2009

 DSC_1432

 

 

DSC_0053

 

Hard Rock Cafe —ka thil hriat lam a ni ve vak lo. An Cafè an cheibàwl dàn danglam deuh hi thlìr ve mai mai atâna a hmuhnawm avàngin ka târlang ve mai mai ni teh se. Mahse … tlai khat chu First Street-ah kein ka phei zèl a. Ka la kal ngai lohna ram a ni miau va, thil engemaw ka zawng a. Bar-te chu a awm chiang bal e; mahse, thil hi Tourist fuankhàwmna hmunah rèng rèng chuan a to àk zèl tih chu Tlabung kawnga Phairuangkai-a chèngte pawhin an hai lo vang.

Kein ka kal phei zèl a, ding lamah Canada ramrì lamah ka chhuk thla chhat chhat a. Police-ho hian cone an lo hûng tuar mai a. “Eng tak chu ni maw?” tiin, ka va hàwkdàk lui hrim hrim a. HAUNTED HOUSE bul vèlah te chuan mipui an thu nghùk mai a. Rimawi ri thùm dup dup leh lead-guitarist-in a hmet chiau vawng vawng rite chu ka hre bawk a. Ka va pawh ve ta —Open Air Concert an lo nei chu niin!

Kan rama awm ve thei ni se ka ti khawp mai! ‘Mr BIG-ten Sipai Lammual-ah Concert an nei dâwn’ tih nèn chuan an organize dàn kalhmang a indan hleih hle chuan ka ring hrim hrim.

Tual nuam lutuk, a thlang lawk lah Niagara Falls Park nuam lutuk a ni vek tawh a. Leirawhchan chhuat-phah hmun zau takah khân camp-folding chair nèn … Booth tam tàwk —ei tùr … in tùr leina an lo bun fur mai chu niin! Nula leh tlangvâl, tar lam leh la valai deuhte kha an lo thu fur a. Concert lah mike chìk thàwm ri tuah tuah awm miah lovin woofer puitling leh twitter an pàwk nawlh nawlh a ni ber e … a nuam chuan ka ring.

Mahse, zanriah la inhnawh puar hman lo ka ni a. A rang lama Hotel pan a ngaih avàngin … tlar hnih khat emaw lek an ningkhàwng han ziah ve tùr melhin hun rei lo tè chauh ka hmang ta  a … tichuan, an thàwm thangvà i hriat lohva liam mai mai tùr kha —tlar hnih vèl i lo chhiar ve thei ta a ni ber e! Thanks for reading this little text!

Advertisements

2 Responses

Subscribe to comments with RSS.

  1. hmingtea said, on October 26, 2009 at 7:50 pm

    Open-air Concert-na hmun nuam tak taka an nei trhinte leh hmun zau tak tak —hmun awl vantlang punkhawmna hmun an nei trhin hi chu kan ram Zorama awm ve atan ka it trhin khawp mai. Kan in piah deuh lawk 3-minute kal by foot-ah hian fate etc., an hman trhinna Concert etc mualpawng deuhah hian lukham ang type lian deuh —dup an dah del dul a; tahchuan trhu bawk etc-in zaite kan ngaithla trhin a —ei leh in kan lam a, chu chu zanriahah kan hmang mai trhin. It’s a western life,” an tih chu a lo ni e. “Ho tak a ni khawthlang nun hi,” te kan ti vel mai mai —hahahaha

  2. dr_feelgood said, on October 29, 2009 at 5:59 am

    Atlanta khawpuia inkhawmpui hmang tura kan kal ve tum khan Hard Rock Cafe chu “sawi ve hrim hrim atan kal ve ang u,” ka ti a, ka kalpuite kha chuan an tui pui vak lem lo chuan ka hria. Mi an tamin music a ring tha dup dup bawk si. Mahse, insawi theih nan chuan a tha khawpin ka hria. Been there, Done that etc etc..


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: