Chawnghilh's Blog

Mizoram Hmabak Hlimawm

Posted in Qualitus : Habitus by chawnghilh on October 29, 2009

DSC01824

DSC_0660

DSC_0663

DSC_0655

DSC_0656

DSC_0309

 

 

Hmun hrang hrang (Maryland, West Virginia, Pennsylvania) atanga thlâ ka làk khàwm mah ni se —thawnthu pakhatah ka rawn hmang ta mai a ni. Kan Zoram hmasàwnna pawhin khìng thlalàk (photo)-te ang khi a pha tèp tawh niin a lang e.

MIZO AW (October 28, 2009) ka lo chhiar ve a —Aizâwl Bungkàwn Vènglai-a chèng, Pu Râldangliana Article a ni nghe nghe a. Shillong lam pana a zin chuan Kolasib thlang vèl atangin tuikhuah lî puau mai a ràlkhat thlìr ta tlat mai a. Atìrah chuan engnge a nih rèng a hre lo; tùnhmâ lamin a lo la hmu ngai si lo va! A han hre chiang ta chiah chu —Sèrlui Tuikhuah a lo ni reng mai! Mizoram pawhin hmâ kan sàwn viau hret hret chu a ang ta.

Hmasàwnna rahbi kan chheh thar rèng rèng hian —a tuar pâwl an awm ziah a ngai miau si a.

World War II hun laia Emergency Road —Durtlâng to Bàwngkawn chhuk-chho ulh leh kawng kual, zîm tak a ni. Khàm bakbahai tak chunga kawng laih a ni a, a lung pawh a khawkrawkin, a hun laia lei laihna hmanrua ngaihtuah phei chuan a laiha laih ngaihna chai a awm loh hmèl hle. Bihar Santhali paruk ngawtin he kawng an laih lai hian an nunna an chàn phah bawk a ni.

Hmuifâng tlâng pan chhohna motor kawng zîm tak, lung chang tak tak kâra an reh chhoh te saw —a laitute thain a tlin lo. An beidawng hle a ni. Lushai Hills Superintendent hnènah lunghnûr takin an rawn leiko. Lung chang lutuk chu laih luih ngaihna a awm loh thu leh kawngpui chu hmun danga zawn leh mai a hlàwkthlàk zàwk tùr thu an rawn thlen. Superintendent Sàp pachal chuan, “A khu talh talh thei em?” tiin a’n zàwt a —phùr takin, “Tuboh leh chhènî-a beih pawhin a tèk chhek chhek thei chauh,” an ti.

Kawngpui kha Sorkâr-in a mamawh miau avàngin thudanga sawh sawn mai chi a ni tawh lo. Superintendent chuan, “Lung chang tak tak te chu a khùk talh talh theih chuan, a khu ral ve mai ang. Va lai chhunzawm leh rawh u,” a ti mai a ni. Vâwrsèlapa an auh nawmnah theih ang mai mai Hruaitu kha awm ni ta ngat se —motor kawng kan nei hauh lo vang le! Hruaitu fel an pawimawh a ni. “Làmmuala tihfel tawh Mualpui-ah zàwk aw,” titu Lushai Hills Superintendent a nih loh hmèl!

Zoram hmêl a danglamna tùr leh hmasàwnna zuang ni mai tawh lo; hmasàwnna luang chat-lak lo chanchin kan sawi  leh ta daih e. A tak taka chantîr theitu kan mamawh zual sauh a ni. Zoram Politician-te finna hian mipuite mamawh hi a thlîr chiang phàk meuh em âw? Politician-te hi an fin leh remhriat vànga tling nge an nih a —mipuite màwl leh retheih luat tawh vàng zàwka tling ve chauh ni ang le —retheih luatna hian kan ram Hruaitute hi rual a awhtîr tel ve phàk em ni? Hna tha taka thawk tùrte a tisukuk phak thìn. Thawhpui, enpui, kaihhruaina fel zàwk mipui atangin an mamawh ta a ni.

Eirùkna thlîr chiangtu ni àwm bera inngai PRISM-te pawhin an chhimbàl rawng mawi inkàp chhuak an hloh leh tan ta —an inchirhtheh tawn dàn han thlìr chianpuiin —ting rawng leh senduk leh a dum a lang hnem leh ta tlat mai!

A chunga thlalàkte ang khi —hun rei lo tèa kan khawsak ve theih dàn tùr a nih theih nân —kan ram hruaitute hian dikna, taimàkna, chhelna, finna an mamawh zual deuh deuh dâwn a ni tih hriain, an Rorêlkhâwl hi Pathian malsàwmna dawng tlàk a nih zèl theih nân Chunglam Pawmsakna leh Lungawina ni zui zèl tùrin mi tinten Vàna kan Pathian khi i auhpui ang u.

Advertisements

2 Responses

Subscribe to comments with RSS.

  1. taia-pa said, on October 29, 2009 at 8:56 pm

    Chawnghilh, i camera hman hi min hrilh teh, ka hriat rualin ka lei ve ang, chuan, i compress-na hi min hrilh bawk teh —pliz

    • chawnghilh said, on October 29, 2009 at 9:00 pm

      Nikon D60 ka hmang ve leu leu, photo i upload khan a size tur chi hrang hrang i duhthlan tur leh veilam sir, a lai, dinglam sira i dah duhna chen pawhin a awm kha! Camera chu Aryana chah mai la! 😀 I rawn leng lut a, ka lawm hle mai! I thuziak ka zir ngun khawp bawk, i blog-ah ka lut.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: