Chawnghilh's Blog

Kan Vàngkhaw-Dai

Posted in Qualitus : Habitus by chawnghilh on November 2, 2009

DSC08425DSC07192

DSC07283

 

Kan khua hi nuam ve deuh a nia asin!

Kan ram leilung ‘strata of rocks’ inrem dàn a mawizia ka hmuhin, ka kal pèl thei mai lo va. A thlâ ka la ta hial a. Zokhawsâng-a mi a ni a, a tlâng hi sea level atanga teh râlah chuan a sâng ve hle —mahse, hun khàlehchenah tawh khân sedimentary rock—hetiang tlâng sâng taka a lo awm thei hi—tuiin a lo chìm ve hle tawh chu a hriat theih mai a. Keia chhui kìr thiam phàk rual a ni tawh lo!

Science Hmunpui pawh kan nei ziaawm ve viau! A chhehvèlah hian thing phunin, Pâwl anga kan thawhchhuah châng a awm ve zauh zauh. Thing phun hi enkawl zui a ngai èm èm a—kan han phun ngawt a—kan enkawl zui hman leh tawh si lo hian kan hmalàkna a puitlin tak tak leh tak tak loh kan hre chiang lo fo.

Beraw Tlâng pan chhohna lai takah thing ka phun ve tawh a. A kiang lawka tui pump chhuah theihin ka chàwm fo va. A himdàm theih nân a hualchhuakin ka hung phui tha ve hle bawk. Tum khat—tui pe tùra ka kal lehin—a lo awm ta hauh lo va. Ka phunna chiah chiahah chuan Banner tàrna tùr thingtuai an lo phun thung a. Pal ka hung pawh an lo thehthang bo vek a.

Tui pe tùr ngat hian 7 Km vèl ka cover a ngai ziah thìn. Ka rilru a na fû—mahse, thil tha an ti ve tho—thingphun uar tùra infuihna BANNER a lo ni ve a. A târtute pawh Forest Department tho an lo ni. Kan thawkho tho a nih ber chu! Ka rilru erawh chu a dam zaih chuang rih lo a la nih ber hi—kum 5 vèl zet chu liam tawh mah se.

Zuangtui piah—Durtlâng khaw chuanhnuai sì hi—ram mawi inzâr pharh nuam tak a tling. Khàmchhawrdawh pawh thlìr tham zet a ni bawk.  Nihawipâr ram-to mai mai a pàrvul lai ngat phei chuan thlìr vèl a nuam lehzual bawk. Zuangtui Rice Godown hi Mizoram buh leh bàl, thlai hlui chhèkna hmun pawimawh ber a ni ta a. Food Corporation of India hi Mizo mipuite tân chuan kan Agriculture Directorate pui ber a ni thung a. A tel lo chuan sèra mu kan thùr zo hauh lo chu a ni ta ber e.

Food & Supply Minister —mahnì ram leilunga tharchhuah ngei chunga kawnghmang fel rêltu tùr kan la nei lawk lo mai thei, FCI (Punjab) lam dàwr-pawh thiam thiam hi kan Supply and Food Minister felte an la ni rih dâwn a ang ber e. Karimganj tlangvâl biri pet khu chem chemhoten kan Building an la se zèl bawk ang! A ram leilung-fate erawh chu kan inkhawi-pangchang rih zêl dâwn a ang khawp mai! ZU DO leh KHAWTLANG SIAM THAT bak Kum Puan thupui kan nei thei lo hi chu —Rih-ârtui phùr nge kan intehkhin dâwn —Laikingin chil a chhàkkhum!

Advertisements

One Response

Subscribe to comments with RSS.

  1. lalvetteia said, on November 4, 2009 at 7:02 pm

    K’u chawnghilh chu i thuziak siar a manhla ngei mai!!!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: