Chawnghilh's Blog

Taking you to Hollywood-site!

Posted in Qualitus : Habitus by chawnghilh on November 2, 2009

HOLLYWOOD —kan va ngaisâng thei thìn! Universal Studio han tih ngawt pawha ngaihven zàr mai kha kan ni thìn a. Cinema kan en tawh a ropui riau chuan “CAMERA TRICK” kan han pâwng-tih ngawt bawk a. Mahnî awmhmun atang khân engemaw tak zawng kan suangtuah ve hle thìn khân a lang e. Krishna Talkies a nih tawh loh hnuah ZODIN HALL a han ni ta a; movie lùn zual deuh a chhuah phei chuan ticket inchuhin —ticket booking counter kawtkai chu inkhuainuaina hmun a ni ringawt thìn. Din tlar (queue) a awm thei ngai lo —mî koki leh lu chunga lâwn hial duh pawh an awm tho mai! Black-Marketeers hlawhtling fe fe, Cement Concrete Building sa thei hialte pawh an awm nawk thìn kha! 

(Thlalàk han tàr chiam tùrin Computer pathum chhe hlawm tawhte harddisk-ah thlalàk ka lo store daih hlawm si a, duhthusàm ang pawhin kan târlang tam thei dâwn lo a ni ta ber e.)

Walk of Fame an tih chu Hall of Fame dungthùla siam a ni tih a hriat mai a —chùng zînga ka ngaihsàn ber erawh chu Thomas Alva Edison a ni daih! Ani thil-hmuhchhuah tel lovin mi dangho zawng zawng Walk of Fame-a tel phàkten an hming an chher thei dâwnin a lang si lo!

Kawtthlèr zau èm èm hran lo, lamlian kawng sîr tawn tawna —in bang hrûla kea kalnaah STARS lâr zualte hming tàrlan a ni a —arsi lian fû fû chhûngah STARS HMING leh an hmingchherna symbol an târlang ta thìn a ni.

 

DSC02503

DSC02473

Rokùnga pawh Hollywood-ah

DSC02492

DSC02491

DSC02502

DSC02501

 

Sawi lan tawh angin, Filmstar-ho hming hnuaiah chuan symbolical takin Movie-camera an dah mai a; zaithiamte hming hnuaiah chuan gramophone disc lem an dah ve leh mai bawk a; thusawi thiamte hming hnuaiah chuan microphone lem an dah mai bawk.

Walk of Fame hmun hi a lùn thei reng a —tlawhtu an chatlak vak mang lo a ni ber e. Pawisa hmuh beiseiin star hmingthangte inchei dàn anga incheite pawh an lo vei ve sek ang a, thlâ i làkpui a nih chuan Dollar tlêm azâwng pèk nachâng i hriat ve  chu thil mawihnai a ni khawp ang! KISS ang chiaha lei seipuia chhuah zùl mai pawh KISS inthuam dàn ang chiahin a lo inthuam a —miten thlâ an làkpuia sum a hmuh ve theihna tùr a lo dap ve nasa mai!

Arnold-a kan tih fo pawh hi mi hlawhtling a ni ve ngawt mai —a tha-hrui phiar mawi tak atanga invawrh làr, Austria mi daih em ni ta kha le —USA-ah tangka hùm luh nei lovin a pêm lùt a —Kennedy-a chhûngkuaa mi nupuiah a nei ta a. Movie lama chawimawina ropui a dawnna State California-ah ngei Governor a han ni zui leh a. Lemchàn lam kha nge —a tak tak rama hna thawh hi a nihlawhpui zàwk tàk ang âw?

Pastor pakhat pawh a inngaihtuah nasa mai maw le! Chanchin Tha a hrilna kawngah ringthar a hmu mawh deuh a ni mai thei —Movie-star pakhat hnènah a kal a, he thu hi a zàwt ta hial a. “Mite hian engati nge rilru zawng zawng leh tihtakzeta in lemchan hi an tahpui theih?” tiin.

Movie-star chuan Pastor hnènah chuan, “Lem kan chan hian tih takzetin, mite rilru hneh ngei ngei turin nasa takin kan practice a —a la that loh deuh leh kan tinawn kan tinawn a. Mite thinlung a hneh thei ta ni àwma Director leh Producer-ten an ngaih hnuin kan pholang chauh a ni ngai! Pastor-te u, mite rilru hneh tùr khawp hian in tawngtai tlêmin, in practice tlêm lulai èm a ni!” tiin a hrilh ta hrawih mai a ni.

Ka la ziak zo lo!

Advertisements

3 Responses

Subscribe to comments with RSS.

  1. tetea7 said, on November 2, 2009 at 4:51 pm

    ‘Rokunga pawh Hollywood-ah’

    Tha hle mai a! I keng thla ve hrim hrim nge tute’n emaw an rawn thawn zawk che? Ka thuziak pawh a awm ve ran kha aw — lo khuainuai la, rawn review teh khai (freestyle takzetin!)…

    Ka(n) lo beisei ang…

    • chawnghilh said, on November 2, 2009 at 5:17 pm

      Hmun hrang hranga ka kalnaah Rokunga Bu hi ka keng zèl, ka chhiar zèl. Bus, Airplane, Car, Metro-ah pawh. record siam ve hrim hrim ka tum. Ka chhiar chhuakin ka chingpawr hle tawh. I thuziak pawh ka chhiar e. Ka fak a che. Mizo lehkhabu-ah chuan USA state tlawh hnem ber pâwl a ni tawh ang. ‘Ber’ a hauh ngei bawk ang.

  2. lalhmingthana said, on November 7, 2009 at 9:33 am

    Hollywood tlang chu, Durtlang vel ni ve mai awma mawi a nih khi maw le! Thlalak a fiah fai khop mai… USA pa chu i thiam khop mai


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: