Chawnghilh's Blog

HMANGAIHNA

Posted in Qualitus : Habitus by chawnghilh on November 5, 2009

DSC_1237

 

HIGH ROMANCE hi a tam ve teh asin —Bible thuziakah hian! Nova ruichhia a lo FIT ber mai! Jakoba’n kum sarih chhûng a ranngo tùr a tuak tauh tauh bàka kum sarih dang tuak belh leh a ngaihna chhan riau te 🙄 … Samsona leh Delili inkâra khurbîng nunram te —Lal Davida leh Bethsebi te meuh pawhin tute emaw an thlìm! 👿 Lal Solomona duhthawhna lam thil ve hrim hrim te —Josefa leh Mari inkâra Mari hriat hauh lohva  Josepha’n tlânghriat tam hmâa BREAK UP a tum rùk dàn khanglâng te … a ngaihnawm hrim hrim bawk!

He khawvèla sualna leh thihna la lùttu Adama leh Evi (Chavvah)-te nupa inkârah khan HMANGAIHNA a awm in ring em? Adama khàn a nàk atanga làkchhuah—a nàkruh atanga hmeichhia rawn awm ta kha a hmangaih thu a fah em? Krista leh a mo tùr thlìrlàwk nân —Adama muthilh hlana a nàk atanga làk chhuah nàkruh chang tak leh Messia ruang feia an impaled atanga chhuak tlenfaina tui leh inthawina thisen hmanga lei “Kohhran Thianghlim” kan hmu thiam ve ta! Tin, hmeichhe dinhmun sawi chiang viautu Adama khàn a nupui a hmangaih thu kha chu a sawi lang hauh lo ni àwmin a lang thei. Engpawh ni se, Adama leh Evi  —leilunga nupa tuak hmasa berte atang hian Darwin’s Theory chu engmah lo mai a ni tih i hrethiam chiang thei a, a làwmawm tàwk viau e.

Genesis 22:2 thu-ah hian HMANGAIH (love) tih thumal, Bible-a  rawn lang hmasa ber kan hmu chauh a —nupa inkâra inhmangaihna thu pawh a lo ni hauh lo hi ZIR NGUN a ngai khawp mai.

Abrahama leh a fapa inkâra HMANGAIHNA chungchâng a ni daih thung a; chuvàngin, Pa Pathian Yahweh leh a Fapa Yeshua Messia (Isua Krista) inkâra hmangaihna entîrlàwkna daih angin a lang thei thung zu nia—Abrahama leh a fapa Isaak-a—Pathian hmâa inthawi tùra Pathian thupèk chanchin a ni lehzèl bawk a. Chuvàngin, TORAH pawh hian awmze nei takin ze-khelh a lo nei ril hle a ni. Pathian leh a Fapa mal neihchhun inkâra hmangaihna leh khawngaihna puak keh ta chiah khàn Kalvary a rawn hrût thleng ta kha a ni a!

Nupa inkâra HMANGAIH (love) tih thumal kan hmuhna hmasa ber erawh chu Genesis 24:67-ah a ni daih thung a; Isaaka leh a nupui Rebeki te inkâr thil a ni ang bawkin, a lo entîrlàwk chu Krista (Messia) leh a Mo thianghlim (Kohhran) entîrlàwkna a ang leh hle bawk.

Isaak-a pawh khàn an hnam dànin—a nu leh pa kalsanin—a zawna zawnchhuah a nupui tùr nula thianghlim Rebeki a vuan ta kha a ni a; chutiang bawkin Krista pawhin—vànah nupui-pasal inneihna a awm ngai lo tih hriain, he leiah bawk hian A lokalleh hunah a mo thianghlim Kohhran-te hi min rawn nei dâwn a ni. Chumi nghàk chuan kan rùm takmeuh a ni.

Genesis 22:2 thu leh Genesis 24:67 thu hi Bible keu meuhvin i awmhmunah lo chhiar ve ngei la, he thu hi mi(sual).com-a min uap lumtu ber MZVISION-a te chhûngkuain MO duhawm tak an neih tùr denchhena he thuchah tawi chhiartute zawng zawng hnèna Pathian Thuchah ril —tawi kim taka ka tàrlan theih ve chhun ni teh se. Pathianin malsàwm che u rawh se.

XaiA pawh a hlim a ni —en chiang teh mah 😳  Hlim takin he hlimna nî hi hlimin i hmang hlawm ang u. Duhsakna pawh nupa tuak tharte chungah ka hlàn nghàl e.

nuihzatthlakfb3[1]

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: