Chawnghilh's Blog

Utmost Care for the Handicapped!

Posted in Qualitus : Habitus by chawnghilh on November 6, 2009

DSC_0131

 

Kan chènna vêngah pianphunga rualbanlo naupang pakhat a awm ve a, an chènna in kiangah chuan he Regulatory Sign hi an tàr phah hial! An va han inngaihsak kimchang chiang tak èm! —H. Vangchhia, Chawnghilh leh Bah Morning Star-a te kawtkaia an rawn tàr emaw in lo ti palh ang e. Pathian khawngaihna azârah kan kawtkaiah chuan an la rawn târ bìk rih lo ve! 😳

Sihphîr-ah khian tùn hma khân—Aizâwl lam atanga khaw chhûng kual luh chhoh hnu hret—chho mar ngîlah khian pitar bengngawng hi a rawn teichhuak ve ziah thìn a. A chhûngten an khàrkhip thei bìk lo a ni ve ngei ang! A hrisèl chak phian pawh a ni mah nà le. Kei takngial pawhin lìrthei ka khalh chhoh/chhuk apiangin ka hmu ziah thìn a, fiamthuin chu pitar chu, “Speed Breaker,” an ti hial. La dam zèl tak ang maw?

He pitar ka sawi kai nachhan chu in man thiam a rinawm e —hnam changkàngte thil tih dàn leh thil kan tih ve dàn hi a lo inthlau lu’lam deuh a ni, tih lan chiantîrna mai atân a ni. Kan ramah motor—kan phû lova tam lutuk—kan buaipui laia, pianphunga rualbanlote’n pawimawhna ril tak an la chang ve pha lo erawh hi chu —kan khaw’hawi tihzau ve hret a tùl ta! Mi ram tihdàn hi thawnthu ngaihnawm ringawta kan chhuah a hun tawh bìk lo.

 

DSC_0129

DSC_0076

 

mi(sual).com thenkhatte ruala Mo thar làwmin hun kan rawn hman ve theih loh avàngin —helamah SAZUK SA hi ka lo ruaipui ei ve ngàwng ngàwng mai ang e. A thau tui hrep mai leh nghàl!

Thlalàkte hi November 5, 2009 zîngkâra làk vek an ni ta àwm e.
Advertisements

3 Responses

Subscribe to comments with RSS.

  1. Zaia said, on November 6, 2009 at 4:53 am

    A laia thlalak hi i hrilhfiah ve lova, i In em ni aw?? 🙂

    • chawnghilh said, on November 6, 2009 at 1:49 pm

      A lang feih feih, thlâ ka làk chhan zàwk tak hi chu thing hnah—ni hnih-khat lek chhùngin—a tla-kawlh vek dâwn tawh a, ‘an hun chatuan-vawikhat’ an hmang liam ta mai hi ka dàwnin, ka lunglênpui lutukin an thlâ ka la ta a nih ber hi!

  2. dr_feelgood said, on November 6, 2009 at 6:12 am

    Handicapped chu sawi loh, kum upa lam tan pawh kan Zawlkhawpuiah hi chuan chet vel a harsa khawp mai, a ‘friendly’ lo lutuk a, step-te laka vawn bante a awm hlawm mang si lo va, Ka Nu leh Pa, 80 chuang ve ve an nia, buaithlak thei khawp mai.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: