Chawnghilh's Blog

USA-a Mizo thleng thla hmasa ber nupa

Posted in Qualitus : Habitus by chawnghilh on November 13, 2009

Darrikhuma & Ngurkungi

Kum 1964 kha a ni tawh —Bombay atanga lawng ngata tuifinriata thla khat thanga an la zin hun lai kha a la ni! Pennsylvania State-a Philadelphia Lawngchawlhnaah June 10, 1964 khân an teichhuak ve ta mawp mai a. Chuta tangin thlawhnain Atlanta (Georgia) an pan leh a. Wildwood hmuna Sanitarium-ah inhlawhna an dap tan ta a ni.

An pa hming hi Dârrikhùma Hrângzote a ni a, Champhai Hmunhmêltha khawchhuak a ni a. India rama a awm laia a eizawnna chu Airforce lamah a ni a. Kumpinu hun laia Royal Airforce-ah khân hna a vuan ve a. Independence hnuah Royal Indian Airforce tih a ni zui a; chuta thawk zui zèlin Sergeant a ni. An nu hming hi Ngùrkùngi Sailo —Hmuntha lal fanu a ni thung. Nursing lam hna thawk a ni thìn a; chumi hmâin—1953-te khân— Aizawl-a Nisarih Tlângah Zirtîrtu hna thawk ve fê tawh a ni.

Maryland State hi kum 1964 vêk August thlaah an lùt chauh. Chuta chin chu Maryland-ah an inkhuar nghet zui ta a ni. An nulàt-tlangvàl lai chuan Sairàng atanga lawnglênga inkar thlain—Silchar thlen nân ni sarih an thang thu Pi Ngûri hian sawi nuam a la ti ve hle. Tùnah chuan thil a dang ta —computer age leh chùng hun lai khaikhin thiam lo pawh kan tam tawh ang!

Thleng thla hmasate chènna ram Maryland hi a hnua thleng thla Mizo-ten an bawh phah deuh ta zèl a. Thleng thla hmasaho zînga mi dang tâna tangkai zui èm èmte chu Pu Dârrikhùma te chhûng bàkah —Malsàwma te chhûng, Vànrotluanga Vangchhia te chhûngte, Lalthangliana Sailo te chhûng an ni. Mi dang pêm lùt tharte tân nu leh pa leh bul tan nâna puitute an tling hle.

State danga inzâr pharh pawh Mizo an tam tham ve hle tawh a ni.

Hruaitu awm lova Mizo hmeichhe naupang USA thleng thla hmasa ber chuan kum 1972 khân thlawhnain California State a thleng thla a—lehkhate zir chhuakin—tùnah chuan chhûngkaw hulhàr tak dinin Los Angeles-a vêng pakhatah an chèng.

WELCOME!

Len luhna thlàkhlelhawm with great infatuation —
Advertisements

12 Responses

Subscribe to comments with RSS.

  1. mzvision said, on November 14, 2009 at 5:42 pm

    Champhai Hmunhmelthra khua hi kan nu pi leh pute lo seilenna, an lungphun pawh la awmna hmun a ni. Khawlhring tamna khua a ni bawk tih-in kan belh ve ang e.

    Pu Darikhuma te chu an lo advance hle mai, an thlahte chanchin zelte pawh han tarlang la maw le.

    I pics erawh a sawl hle mai, thlalak erawh a frame a fuh a fiah fai thra

  2. aduhi said, on November 15, 2009 at 3:04 pm

    An chhungkua hi an ni em aw ka hre lo a; mahse, an sawi ka hriat pakhat chu an fate (or tute) kha Hmunhmeltha-ah an zinpui dawn a, Bombay an rawn thleng chu naupang ho chuan, “Hei hi em ni Hmunhmeltha chu?” an ti.

    Ka nute hi Hmunhmeltha-khawchhuak an ni a, mzvision sawi ang khian “Khawlhring” an ni ngei e.

    • chawnghilh said, on November 15, 2009 at 4:47 pm

      Your addition enthralled guys a little bit more! My Mom is a Khawlhring too, the Khawlhring Lungen. But not to get confused with “Khawhring.” Aizawl Republic Vènga awm hmasa ber chhûngkua an ni!

  3. kapa said, on November 15, 2009 at 8:18 pm

    a sapram ngaihsanthlak mai2 mang e

    • chawnghilh said, on November 15, 2009 at 9:19 pm

      SAPRAM tia Mizo dik tak ten kan sawi zawk thin hi chu “Great Britain” a ni. USA hi Mizoten “sapram” kan ti ngai lo; sapram pawh a ni bawk hek lo. Chi tin hnam tin, rethei leh hausa, misual leh a fel, a fing leh mawl thil hre chiang mang lote chèn khawmna a ni. Khawvel ram hausa bera an ngaihah hian Kutdawh pawh an tam mai!

  4. mizo tlangval said, on November 16, 2009 at 8:07 pm

    He mite hian engnge Mizo hnam tan an tih tawh tih hi ka lo curious ve mai mai.. a chhan chu saprama thleng hmasa ber nih hi engnge a pawimawhna… Saprama awm hrim hrim hi glorify trul lemin ka hre lo?????

  5. Dawnga Lungtau said, on November 18, 2009 at 4:12 am

    A fing hmasa leh hawi zau thiam apiang an nihlawh ta a nih hi maw! A bengvarthlak hle, US Mizo chhungkua chanchin rawn thawh zeuh zeuh teh…

  6. zo said, on November 19, 2009 at 1:59 pm

    USA kal leh awm hlen hi engemaw ti lai kha chuan a lian ve hle thin. Mahse,tunah zawng ka thinlungah a thi ta. Mizo tam zawkte hi khawvel ramdangah awmhmun benbel han tum teh u, hnam anga changkanna kawng khat a ni ve tlat.

  7. KL Zaia said, on November 20, 2009 at 8:19 am

    Khawlhring Lungen dik tak, Champhai Kahrawt Venga awm ka ni. A chhungte engemaw zat kan venga awm an ni; mahse, Khawlhring Lungen an nih hi ka vawikhat hriatna. Ni e, Hmunhmeltha chhuak an nia lawm. A tichiangtu chu an lu a kir ngei ngei ang. Kan veng leh kohhran min rawn tanpui fo thin a, kan lawm hle.

    • chawnghilh said, on November 20, 2009 at 7:14 pm

      “Vêng leh Kohhran tanpui FO THIN,” i rawn chawimawi lèt thiam e … chu bàk bàk! Ka thil hriat loh i rawn sawi. Dârrikhùma hi Khawlhring Lungen a ni lo—a chanchin ziakah khian a chiang. Hrângzote a ni zàwk e. Chhial suar hi a awr! 😥

  8. Zaia said, on November 20, 2009 at 5:22 pm

    Ka lo la hmuh hmaih pek a nih hi. A bengvarthlak thin e. An ngaihsanawm em em tihna tur a awm chuang lo nain, thil reng renga a hmasa ber nih hi a pawimawh ve a, a hmasa ber hriat pawh hi pawimawh chang a awm ve leh thin.

  9. taia-pa said, on November 21, 2009 at 5:36 pm

    Mizo i tih zingah khian tuna USA-a Chin awm veho hi an tel em? Nge, Chin telh chung pawhin anni hi an hmasa ber tho tihna em ni? > ka’n tihna chhan kher chu Chin pawh Mizo anga sawi tlat hi an awm ve a.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: