Chawnghilh's Blog

Tomb of the Unknown Soldiers, Arlington Cemetery : Virginia

Posted in Qualitus : Habitus by chawnghilh on November 20, 2009

 

Khawvèl ram tin Sorkâr rèng rèng hian anmahni khua-leh-tui ngat hi chu an dah sângin an ngaipawimawh hle chuan a lang. An thlavàng a hauh a, an thih hnu thleng pawhin Sorkâr thila mi inhmang ngatte phei chuan chawimawi an hlawh châwk. Tomb of the Unknown Soldiers pawh hi a hranpà ngata siam—mahni ram tâna an nunna hlàn, tute nge an nih chiah hriat theih tawh si lohte puala din a ni. Arlington Cemetery chuanchung, hmun thâwl leh thengthàw nuam takah, chawimawi zui zèltu sipaite’n englai pawha parade an neih phahna a ni. Thlasik vûr sùr chur chur lai pawhin sipaiten parade an thulh chuang ngai lo.

 

 

 

A hnuaia thlalàk erawh hi chu Arlington Cemetery, Virginia-a mi a ni ve lo va. Virginia State chhûng thova Luray Cavern (Pùk) thùk tak chhûnga Virginia State atanga an Pasaltha chhuanvàwr, Indonaa an nun chân ta te hriat reng nâna an pual liau liauva an buatsaih hranpa a ni thung. An inchawimawi thiam hle a ni.

Kristiante pawhin thurin pawm tlat tùr kan nei, chu chu kum AD 68 hun lai khân ziah fel leh puanchhuah hman vek tawh a ni. Zàwlnei der, a hmei a pa, an chhuah uar hnu (abìkin AD 1800 hnu lama mi rèng rèng)-a thurin tharlâm min duanchhuahsak pawh a ngai tawh chuang lo. Hebrai 4:14-16 inkâr thu — “Tichuan, vànahte kal tlang pawh, Puithiam Lalber ropui tak, Isua Pathian Fapa chu, kan neih avàngin kan thurin hi i pawm tlat ang u. Puithiam Lalber kan chak lohzia inhriatnate min hriatpui phàk lo nei kan ni si lo; keimahni anga kawng tinrênga thlèmna tàwk tawh, sual erawh chu sual lo, nei kan ni zàwk e. Chutichuan, zahngaihna kan hmuh theihna tùr leh, puih kan ngaih huna tanpuina khawngaihna kan hmuh theihna tùrin, khawngaihna lalthutphah chu huai takin i hnaih ang u,” tih hi.

Thu Puan 5:9, 10 thu —

Nang, lehkhabu chu laa,
A chhinchhiahnate phelh tlàk i ni e;
Talhin i awm tawh a,
Chi tina mi te, tawng tina mi te,
Mi tina mi te, hnam tina mi te,
Pathian (Yahweh) tân i (Yahshua) thisenin i lei a,
Kan Pathian tân khua leh tuiah leh,
Puithiamah  leh Lal-ah te i siam ta si a;
Tin, leiah ro kan la rêl ang,”
 
tih hi kan hla thar tùr a ni!

Advertisements

2 Responses

Subscribe to comments with RSS.

  1. bhruaitea said, on November 20, 2009 at 10:57 am

    A nalh khawp mai; mahse, i pic hi a tung mah2 lo maw te ka lo ti mai2 a…

  2. chawnghilh said, on November 20, 2009 at 3:46 pm

    Picture upload hi a innêk-sâwr (distort) hlawm a niang —offload la, a dik thlup mai ang.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: