Chawnghilh's Blog

Nostradamus

Posted in Qualitus : Habitus by chawnghilh on November 26, 2009

Nostradamus tia hriat làr zàwk mah, Michel de Notredame kha December 14, 1503-ah Saint Rèmy, France-ah a lo piang a. Kum 62, thla 6 leh ni 7 a nihin kum AD 1566, July 2 khân Salon khuaah a thi. A chanchin ziaknaah rèng rèng a thu hrilhlàwk a tàrlante hi, “Pathian atanga a dawn,” tih a awm ngai lo. Tin, a thu hrilhlàwkte rèng rèng hi hla thu tlar li nei (quatrains) hmangin a chhep deuh ber a. Amah zuitu hmingthang tak Psellus-a sawi dàn chuan, “Nostradamusa khàn hrilhlàwkna a ziah dâwn rèng rèngin bêlthlèngah tui a inchhawp thìn a, tui chu a rawn phuan ta thìn a; tichuan, aw thâm chiai rawn chhuak atangin hrilhlàwkna thute chu a lo ziak chhàwng thìn,” a ti.

Zoram Kristian-te kan harh a hun ta, “Dawi àt te, ramhuai zâwl rawih te, dawithiam te, mitthi biak chîng mite in zîngah an awm tùr a ni lo. Hèng thil ti mi apiangte hi LALPA ngaihin mi tenawm an ni si a: tin, hèng thil tenawm avàng hian a ni, LALPA in Pathianin a hnawhchhuahsak che u ni.”Deuteronomy 18:11, 12

Kum zabi 20-na hnu lama thil thleng tùr —December 2044(?)-a thleng fel thei tùra a ngaihte a hrilhlàwk tel ni àwma an hrilhfiah avàngin ngaihdàn tàwk nei thiam tùrah kan ngai ve mai ang che u.

Israel chi thlah kal zèlah Issachar hnam, chung-thla leh àrsite atanga thil lo thleng tùr sawilàwk thiam an lo ni thìn àwm asin maw le! Pierre de Nostradame-a fa hmingkoh a ni a; kum zabi 15-na hun laità vèl khân Provence (France)-a lal ngilnei tak, Juda miten an lo bawh bìk Lal Rene of Anjou (1434 – 1480) hun laia mite kha an lo ni.

Zirna lamah a pute pahnihin an lo kaihruai ngun hle thìn a. A pu Peyrot-a phei chuan in lam atangin Chhiarkawp bulthut zawng zawng, Latin, Greek leh Hebrai tawng thlengin a zirtîr a. Vàn lam thil Astrology pawh a bulthut chu an lo zirtîr kimchang hle. Nimahsela, a pu Peyrot-a berin a lo thihsan tàk siah chuan anmahni in lamah a kìr leh ta a. Universities Libraries-ah a hun tam tak hmangin mit-làk dawivaih lam (magic) leh aien (occult) a zir tan ta a. A hrilhlàwkna pawh hi Ficino-a lehkhabu lehlin —De Mysterriis Aegyptorium a chhiar atanga a fawm khàwmah ngaih a ni thàwthâng. Dap zauna lamah pawh AD 1530 khân Doctorate hial leh chawimawina ropui tak tak hlàn a ni a. Hèng hnu lawkah hian Adrieta de Loubejac-i nèn an innei a, fapa leh fanu an nei zui nghe nghe a. An hlim ve dâwn lai takin a nupui leh fate chu hrilêng lakah a chân zui leh ta si!

Mi dang hum thei si, a nupui fanaute hrilêng laka a hum thei ta lo chu ama tân pawh mi diriam a hlawh phahna a tling ta. Kum engemaw zàt a vei leh hnuin Anne Ponsarde Gemelle-i nèn an innei ve leh ta a; mahse, fa an nei zui ta lo.

Ngaihtuah ril, mi tawng tlêm lawi si a ni. Zànah dârkâr li emaw dârkâr nga emaw chauh a muhìl. Thusawi lama zalènna ngaisâng leh Catholic-te pawmpuina dawng phàk hial a ni. Nostradamus-a hi Lalpa lokal lehna chungchânga a thu puan chu hetiang hian rawn tàrlan a ni a, a hming leh a thu puanlàwkte hi lamrìk a nih vèk vèk pawhin a thu puan a hlawhchhamna hi sawi a ni ve fo tawh tùrah ngai ila —

In the year 1999, and seven months from the sky will come the great King of terror. He will bring to life a great king of the Mongols. Before the after war reigns happily.

Kum 1999-ah, thla sarihte a nihin vàndumpàwl atangin thlabàrna Lal ràpthlàk tak a lo kal dâwn. Mongols-ho l,al ropui tak a rawn tinung ang a. Indo zawh hmâin hlim taka ram singsak felna a awm ang.

The Church of God will be persecuted and the holy temples will be pillaged. The mother will keep away the child, naked in a shift. The Arabs will ally with the Poles.

Pathian Kohhran chu tihduhdahin a la awm ang a, Temple thianghlimte pawh hmêlmàte tihràmsakin a la awm ang. A nu chuan a fa chu a tlànchhiatpui ang a, tuamhlàwm lohva suan sawn a ni ang. Arab-hote chuan hmàr tàwp leh chhim tàwpa mite an la thurualpui ang.

The Prophesies of Nostradamus — Events to Come [After 1991], Govind Singh … pp. 7-15, 22, 38 etc., (G. Print Process Daya Basti, N. Delhi – 110035 (1998), pp. 116, 85

Photo : Part of Aizâwl West —as photographed from Reièk Tlâng

WELCOME!

Len luhna thlàkhlelhawm with great infatuation —

Advertisements

One Response

Subscribe to comments with RSS.

  1. hmingtea said, on November 28, 2009 at 7:17 pm

    “Zoram Kristiante harh a hun ta,” i rawn ti a; Kristiante rin loh Thuthlung Hlui kristianten an tih an hnawl tawh bung leh chang leh bu Deutoronomy i rawn refer leh daih mai hi Kristiante hian Thuthlung Hlui leh Thar an tih hi an ring kawp ta tihna em ni le. “Shabbat serh rawh” tih te “ei suh” tih te lam hi an pom leh mang bawk si lo va — nge Thuthlung Thar an tihah hian chatuana nunna tak tak hi a kim lo zàwk?


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: