Chawnghilh's Blog

Khawtlâng-Lunglèn

Posted in Qualitus : Habitus by chawnghilh on November 27, 2009

 

Tlâng tin mual tin fang chhuak mah ila, thawhrimna kaihhnawih thil vek a lo ni zèl tho vang. Mual a mùmin a mâm lian, mitthim tlin tàwk ngâw a mawi na’ngiang bawk. Mahse, thawhrim, rinawm leh taihmàknaa cheibàwl leh enkawl vek an ni. Humhalhtu tumah awm lo se, hetiang hi an ni thei bìk bawk lo’ng e. Dik taka hna thawhna ram leh rorèlna a ni a, chu mi kârah chuan suahsualna chuan englai pawhin bu a khuar ve reng bawk.

A chhiar apiangin he thuziak hi ‘khawtlâng lunglèn’ tih thupui nèna inhmeh an tih loh vek a rinawm, nawr-luih thuziak a ni hi! Ringtu tam tak, intithlarau-mi èm èmte pawh hian lemchan dàn chintàwk an hre lo va, an engemaw  ve èm èm a, an inti-thlarau ve ringawt a! He thuziak pawh hi chutiang chiah chu a ni!

A hnuai bera thlalàk—thlàn hmun mawi tak leh a chhak tlânga half-mast US flag hi ngun takin thlìr la, he thlànah hian tu hming mah a inziak hran lo. In chung rawn lang vuai vuai khi General Robert Lee-a chènna in thìn a nih bawk khi! An hun laia ropui, tùna leivaivuta kìr leh vek tawhte an ni! Vuta kan kìr hmâ hian eng thil nge kan tih ve dâwn? Thawhrimna lothlàwn awm ngai lo thil i thlang thiam fo ang aw! 

Kross vâr ringawt i hmu ang—mahse, he thlàn kal pèltu apiangten tu thlàn nge a nih erawh chu an hre èm èm zèl. He thlàn i thlìr vang vang hian, i dinglam feet 30 emaw vèl lètliamah John F. Kennedy-a thlàn a awm. Chuvàngin, he thlàn hi Robert Kennedy-a thlàn a ni tih i hre thei tawh mai ang!

An ram a mawina chhan hi eng dang a ni lo —OUTDOOR CODE  an nei thain, an vawng èm èm hlawm vek mai hi a ni.

As an American, I will do my best to —

BE CLEAN in my outdoor manners,

BE CAREFUL with fire,

BE CONSIDERATE in the outdoors

and

BE CONSERVATION-MINDED

an ti vek tlat … ram pilrilah pawh thingbul phèn chuhin kan zung/daikal mai mai ngam chuang lo! Min hêktu an awm vaih chuan—kan CASE AWRH tùr kha—a mawi dâwn lo èm atin a ni! 

Advertisements

9 Responses

Subscribe to comments with RSS.

  1. Kima said, on November 27, 2009 at 4:28 pm

    Interesting. Thilte kan lo hriat belh leh phah ta a. A hmuna kal angin ka inhre mai, i ziah ka chhiar hi chuan.

    • chawnghilh said, on November 28, 2009 at 12:09 am

      Website lama inziak ve chiah lo —thil nepnawi mai mai rawn tarlan chauh a ni e … mi ziak tawh chu ziak nawn ve kher lovin!

  2. mzvision said, on November 28, 2009 at 1:09 am

    Ngati nge thinghnah tlate hi a tam nen, in thlalakah hian ka hmuh ngai loh le. Nge an thian fai thuai thuai. Then fai sen pawh em ni dawn? Engtin nge an tih le/an hnatlang ve hial nge ni aw?

    An van boruak lah hi a thiang kuk reng bik mai – kan fur-khawthiang ai mahin zuk mawi zawk a le aw.

    • chawnghilh said, on November 28, 2009 at 2:04 am

      An thian fai nasa thei khawp. Hnatlang chu awm ve teh meuh mai! Tin, a hnawk lutuk hi lak tel loh ka tum deuh hrim a, kawngpui sirah te hian Mizoram ang maiin electric hrui hi a inzam ve riau —lak tel a mawi loh avangin ka la tel lo va, a lang mawi ta deuh zawk thin a ni. Samuelapa lak dan angin hmet pawp pawp ila chu, USA chu leh!! De de dei in ti ve tho vang! Hnahthel tla hnawk photo chu ka ngah tho a nia aw!

      Dan tlangpuiin kawnglai hi chu a fai em em vek, kawnga line inrin hi hmuh theihin a awm tur a ngei ngei!

  3. Irene said, on November 28, 2009 at 9:30 am

    I blog hi hun rei vak lo atang khan ka lo tlawh tan ve a, chhiar a manhla thei hle mai. I pic te hi a fiah thain a hmuna kal ve ang mai ka ni.

    I thu ziah vel hi simple precise deuhin i ziak thiam ka ti hle bawk.

  4. hmingtea said, on November 30, 2009 at 10:46 am

    Pic i nei ck thin ngei mai, i zin nasa awm ngei mai @mzvision LAD kawtlai tifai inzui hul2 ang kha a ni ve lo a nih hi. Kan vengah poh kawtlai dai leh kawngpui sirah te tifaitu an awm zel a. Portion an insem vek zel. PWD SA-ten side an nei ang khan thinghnahte poh bawlhhlawhah an ngai a, an tifai zel trhin. Kelaserawkher kha a len hmel ve, kan vengah poh Super Market-ah te an zuar ve trhin, a to rap —ka lei ngam leu. I tarmit bun trhan kha a thar i lei nge hman laia mi kha i la hmang?

  5. Amanda said, on December 1, 2009 at 8:47 am

    Hmuhnawm hlawm khawp mai, ka Dream House-te pawh khi a awm alawm —good post !

  6. triplestar said, on December 1, 2009 at 3:02 pm

    Va mawi hlawm tehlul em! A fai em em mai khi kan rama kan entawn tur pakhat chu a ni khawp mai.

  7. lal sailo said, on December 3, 2009 at 12:58 pm

    Pic chu va mawi hlawm ve


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: