Chawnghilh's Blog

101 Posting!

Posted in Qualitus : Habitus by chawnghilh on December 1, 2009

 

December 1, 2009 kan lo thleng ve leh ta! Zofa te, khawi’kìpa mite pawh—duhsakna sâng ber ka hlàn vek che u a —kumina in thawhrim rah hlu tak in seng pawh ka beisei e. Kawng engkima in hlawhtlinna ka làwmpui a che u a; in chhiat-tawh rèng rèng pawh ka tuarpui vek a che u.  

Tùkin zîng ni chhuak chu kan khawtualah pawh a thiang mawi ve khawp mai —nimin khân kan Vênga hnahthel intiang vûm hnêr hnûrte an rawn thian fai ta kèlh a. Kawng kam tuak pawh a fai ta vùk mai! Thing ding tinrêng a filh rel rul a, hmuh theih chin a lang thui ta khawp mai! Ramsate pawhin bihrùk an chuh hun lai a ni tawh e! Khua a vàwt tan a. Sakhi, Sazuk ngampa zualten black-top chung a lum nuam tih an hria a, zàna riah nân tak an hmang uar lehzual ta. Car an tlàn chak si—ramsaten an thih tam phah nge nge bawk. Vûr thlipui a rawn sùr hunah meuh chuan, ramsa maiin accident an tàwk lo’ng e—lìrthei tam tak te hian chhiatrùpna, nakum ban phàk lo tùr kan awm leh ngei dâwn! I intawngtaipui nasa lehzual hlawm ang u.

Chung lam, vàn dumpàwl han thlìr chho vang vang ila, muvanlai leh mupuite an thlawh kual pup pup tawh chuan —an thlawhna hnuai zàwnah ruang ei tùr a awm tih hriat a harsa vak hran lo!

America chu—tah rùk ngawih ngawihna ramah a chang leh ta! Chhûngkaw tam tak an lungngai ru ngawih ngawih asin! An fa, chhungkaw pa ber, nu ber —sipaia tang tam tak an awm, chhûngkaw-nu ber pawh a chhûngte kalsana Afghanistan—silai a puah pharh pharhna hmuna an kal a ngai leh ta! Damin an rawn kìr leh ngùt ang em? Kan hre phàk tawh lo!  Eng zàt nge kal tùr —sipai 30,000 aia tam thawn luh an ni leh dâwn ta! Politician-te ticket hi ngaihtuah chiang teh, KOH KIR TUR tih a nih avânga tling kha a ni lo’m ni?

Vawiina ka Zanriah chawhmeh tùr chu bawng lei leh a mei chhum pawlh a ni —an ox-tongue and ox-tail —a lu lam leh mawng lam inchawhpawlh a ni tlat! Ho in ti àwm! Mahse, a ropuizia in hrethiam lo a ni mai thei — “lu lam leh mawng lam hre lo khawpin,” tih phrase in hre ngai em? Awmze ril tak nei a ni. Kei erawh chuan ka chhum pawlh!

 

 

 

Jeremi Zobiaka  ka theihnghilh thei lo. Ani kha phai-vai phakar kâra sei lian—a lehkhabu ropui ka rilrua nung reng, a nupui pahnihna Ngûri (d/o Zâwnglala of Hunthar, Aizâwl) published leh hnuhnawh atanga a sàptawng thiamzia leh hla a lo phuah mawi thiamzia ka hrechhuak a. Zotawng zir kher lo, keimah ang maia thu thiam a lo ni kha ka ngaisâng khawp mai! (Just kidding) 😳

“Min hliah lo la vànrâng chhùmpui, ka dî lènna tlâng saw,” tia a sikul chhutî-in Serchhìp atanga a phuah, a nupui hmasa zàwk tùr a ngaihzàwn laia hla a phuah kha—Mizo Vernacular subject la hauh lo tâna phuahah chuan—a namai lo deuh riauvin i hre ve ngei ang! A phuah anga phuah thiam hi an tam bìk vakin ka ring bawk hek lo!

James Dokhùma a thih hnu phei kha chuan a thachhang dàwltu kan lo ni ta ber àwm hian miin an ngai mah nà! Just joking! 😆 

Lalsangzuali Sailo pawh kha—vernacular-ah Mizo a la rei bìk lo; mahse, Cherrapunjee atang daihin hla phuah kha a thiam pherh èrh tlat! Vernacular subject-a late’n nasa zàwka Zofate min awi thar lunglêng leh tùr chuan talent chuangliam an chhuah falh falh a ngai ta hle mai! Hei hi ka fiamthu a ni miah lo —CHONA THAR  a ni e. Ka làwm e.

India ram riang ruang pawh hi Italian nuthlawi hnuaiah kan tawm-im mèk a nih ber mai hi maw!

 

Advertisements

2 Responses

Subscribe to comments with RSS.

  1. mygurl said, on December 2, 2009 at 5:07 am

    Hei ka lo leng ve dek dek a; amaherawhchu, ka duh angin hun ka ngah lo va. I thu leh hla chhiar a nuamin ngaihnawm ka ti a, hun thawl deuhah i phal chuan ka lo leng zawk ang e.

    • chawnghilh said, on December 7, 2009 at 8:34 pm

      I lo leng chu ka hriat loh hlanin i haw leh daih a, cham hlenna tlak ni lo mah se, pindan tin hi kawhhmuh kher che ngai lova i tlawhpawh theih vek turin a inhawng kim e. Welcome again, thanks for your visit!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: