Chawnghilh's Blog

YMA Flag

Posted in Qualitus : Habitus by chawnghilh on December 3, 2009


‘Mizoram Flag’ tih  H. Vangchhia  post leh comment ho chhunzawm nân!

Flag hian mi tamtak rin aiin awmzia a nei thuk khawp mai. A bikin a lar zual The Union Jack & its family chungchang hi chu kan hriat nual in ka ring,  mahse ram hrang hrang,  hnam hrang hrang, pawl hrang hrang  flag te  hian awmzia a lo neih nasat zia te, an culture, sakhua,history etc vang a flag rawng leh zia lo nei ta an nih zia hria kan tam lo vang.

Engpawhnise he post-ah hian Skandinavian ram flag a cross a awm vek nachhan te, Africa ram flag rawng a in an deuh thup chhan te, South America ram flag rawng leh kalphung a in zawm thup chhan etc. te sawi sen a nih dawn loh avangin ka ngaih pawimawh ber YMA flag chungchang ka han sawi ve dawn a ni.

Flag lam a tui mi  kan awm a nih chuan YMA flag rawng, a sen,var,dum hi Arab ram ho hian flag rawngah an hmang nasa em em tih kan hria ang. Rawng Sen, var, dum,  te hi Arab colour a ngaih an ni. Rawng var leh dum hi a bikin Prophet Muhammad rawng bik a ni. Rawng var hi thlan (chosen) a nihna. Tin a dum hi Abbasid dynasty rawng. Rawng sen Hashemites (the great-grandfather of Muhammad thlahtute) rawng a ni. (a chipchiar in a ziah sen loh va, a tui deuh in awm chuan a chhanna zawng mai u la, in hmuh loh leh a hran in min han zawt leh zawk dawn nia)

Chuvangin Mi tamtakin YMA flag hi hmu ta se Arab ram pakhat flag a nih mai an ring thei ang. Entirnan a bikin YMA flag rawng ang chiah chiah hmang, Arab ram pali  JEMEN, IRAK, SYRIA, EGYPT an awm avangin.  A lai a an thil lem ziah a in ang lo hret hret chauh a ni. Tin, rawng hring hi Fatimids colour, hun rei lutuk tawh a tang a Islam traditional colour a ni bawk.Heng rawng a var,dum,sen,hring te hi AD 661 atang tawh a Arab colour a ngaih ni tawh mahse kum 1911 a Istanbul a Arab inhmuhkhawmnaah,  Arab flag rawng a tan a hman hi official a tih thluk a ni chiah a ni. Engpawhnise  Arab nation thenkhat heng rawng pali hmang vek an awm nual . Chung te chu :- Kuwait, United Arab Emirates, Jordan, Sudan, Palestine.

Heng rawng pali zingah hian rawng pakhat emaw, pahnih emaw, pathum emaw, avaiin emaw muslim sakhuana avanga an flag a hmang  ram an awm nual bawk. E.g- Lybia, Saudi Arabia. Morocco, Afghanistan, Iran, Bangladesh etc. etc. Tin, eng ram pawh, an flag ah  Crescent moon  (Thla-seki) a awm a nih chuan an flag reng reng hi muslim sakhua nen a a in kungkaih vang a ni zel tih hriat mai mai a tha. Heng ram hrang hrang, an flag a thlaseki dah ( ram thenkhat in arsi nen an hmang tel)  ho hi Singapore tih loh chu Muslim hlang an nih loh pawh in muslim tam berna ram a ni vek. Singapore pawh hi muslim an tam ber tihna ni lovin a flag erawh hi chu muslim sakhua nen a inkungkaih vang ni. (Malay muslim ho vang a ni mahna.)

The Muslim Crescent flag a hmang ram te :- Pakistan,Tunisia, Algeria, Comoros, Mauritania, Maldives, Turkey, Turkmenistan, Uzbekistan, Azerbaijan, Comoros, Malaysia, Singapore.

Engpawhnise  YMA flag hi a lo chhuahna ka hriat loh avangin ka google a, heta mi ang hi a dik a nih chuan YMA flag hian  awmzia a neih thui  vak lo a ang.

http://translate.googleusercontent.com/translate_c?hl=no&sl=en&u=http://www.scribd.com/doc/22303318/Issue-22&prev=/search%3Fq%3DYMA%2BFLAG%26hl%3Dno%26rlz%3D1R2SKPB_enNO349%26sa%3DG&rurl=translate.google.no&usg=ALkJrhgeK9f7xVZeUOQTU8OslcoYMxqtDA

Khawvelah RAWNG chi hrang hrang ngaihdan leh mahni hnam theuh nen a a inkungkaihna  a in ang lo nuaih mai. Chutih rual chuan Arab ram or muslim sakhua ka hmuh hniam vang leh huat vang ni lo vin, khawvel in Arab colour ni a a hriat lar em em rawng pathum combination,  Arab ram pali ngawt in an hman ang kher kher YMA flag a lo hman ve hi enge a tulna tih ka ngaihtuah vang a ni. Arab ram leh kan ram kawng tam ber a a in an loh lutuk em avangin.

Flag chungchang hi hman deuh khan ka tui vak mai a, flag chungchang ziahna lehkhabu ka lei hial a,  YMA flag hi thlak rawt dan kawng ka ngaihtuah chiam tawh bawk.  H.Vangchhia in  flag chungchang a han post  vang leh a comment tu te zingah Mizoram flag atan a YMA flag hman rawt hial te an awm avangin leh an hman tak tak ka hlauh em avangin ka han ziak ve duah a ni e :-)

Amaherawhchu Ka link rawn dah a a lan dan ai a heng rawng pathum te hian kan mizo nunphung leh sakhua etc. ah awmze ril zawk a lo nei a nih erawh chuan thu hran ni se. Engpawhnise YMA flag kan thlak kher lo a nih pawh in Mizoram flag a tan a hman kher kher chu ni lo hram se ka duh dan a la ni cheu  🙂

Khawvel a ram tam berte hian an ram flag hi an zah in an ngaina em em a. Keini mizo te rilruah hian India flag hi a tla na lem lo khawp mai. (a letling ten an lo zar mai mai em ni kha?  😀 )  Mizote hian kan ram flag tih tur, han en mai pawh a ’ka ram flag, ka ta a ni’ tih rilru pu chung a zah tak a kan hman ve tur, kan hnam nunphung, sakhua leh history nen a awmze nei a inkungkaih flag hi nei ve tak tak thei i la ka ti khawp mai. Enge in ngaih ve dan le?

Similar Posts:

Recent Posts:

This entry was posted on Wednesday, December 2nd, 2009 at 8:56 am and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.

24 Responses to “YMA flag”

  1. 1

    hmingtea Says:
    December 2nd, 2009 at 9:09 am coment lo mai e ka u

    [Report abuse]

  2. 2

    H.Vangchhia Says:
    December 2nd, 2009 at 9:29 am Official emaw, official a nilo emaw, Mizoram hian flag kan neih ve chu a tha ka ti tak tak. National sports, cultural etc thil ah a tha dawn em asin.

    YMA flag chu ni love a elcee, YMA flag chu YMA flag alawm, Mizoram flag chu a hranpa ngatin mawle :)

    [Report abuse]

  3. 3

    changban Says:
    December 2nd, 2009 at 9:30 am hove ooo!! ;-) NOI

    [Report abuse]

  4. 4

    Pim Pom Says:
    December 2nd, 2009 at 11:01 am He post chu a bengvar thlak hle mai.YMA flag hi ka hre thui vaklo a, a entir lam aimahin, a mawilo lutuk hian ka nuih ati za. Mizoram flag atan chuan, flag awmsa rin mai chu a thalo ang. Elce rawtna ang khian ngun taka ngaihtuah chunga, design a tha ber ang.

    [Report abuse]

  5. 5

    wonderboy Says:
    December 2nd, 2009 at 12:26 pm A lo nih khi :-D

    [Report abuse]

  6. 6

    keimah Says:
    December 2nd, 2009 at 1:37 pm A va bengvarthlak ve elcee! Rin aiin kan YMA te pawh an lo Muslim daih a nih chu a! :)

    [Report abuse]

  7. 7

    Pc-a Says:
    December 2nd, 2009 at 1:48 pm YMA flag hi mawi ka lo ti viau a sin pim pom.! Te tak te Car-a tar tham vel lek, nula biang taitekin an lo zawrh phei chuan a mawi ka ti leh zual thin.

    [Report abuse]

  8. 8

    As_Khiangte Says:
    December 2nd, 2009 at 1:57 pm YMA flag rawngin a entir:
    A sen : pawl lar tak a ni
    A dum : chhiat ni lam
    A var : that ni lam.
    ka hriat dik loh chuan min vaw hrep mai ru. :twisted:

    rawng sen, var leh a dum te hi hmanlai mizo-in rawng kan neih te a ni bawk awm e. :D

    [Report abuse]

  9. 9

    Irreplaceable Says:
    December 2nd, 2009 at 2:29 pm A bengvarthlak e. As_Khiangte sawi hi a dik duh hmel roh, a rawng sen entir tiam lohin!

    A aia chiang zawka hria leh rawn sawi an awm lem loh chuan kei ka pawm mai e.

    [Report abuse]

  10. 10

    Pc-a Says:
    December 2nd, 2009 at 3:04 pm A sen khian pawl lar tak tih a entir, Mizoram/Mizo zingah. A var in pawl thianghlim, a dum in mi chanhai riangvai te thian tih a entir.

    [Report abuse]

  11. 11

    Alejendro Says:
    December 2nd, 2009 at 3:11 pm A sen khian a uklo a ni tih a entir a, A var in a hringlo tih a entir, a dum in a pawllo a ni tih a entir bawk.

    [Report abuse]

  12. 12

    Pc-a Says:
    December 2nd, 2009 at 3:30 pm YMA tih khian, Young Mizo Association tih a entir. Sial rangin sialrang a hring, Mizo in Mizo a hring. Liana’n Tea a hring.

    Vakul a lal bera, Bäwng leh Chinrang an mawi ber a, Chingpirinu a huai ber.

    [Report abuse]

  13. 13

    funny Says:
    December 2nd, 2009 at 3:52 pm YMA nih phung ringawt a lungawi pawh hi dik ber lo, an nihphung anga inziak hi an nunpui em? tih a pawimawh.
    Politics tello pawl thianghlim.. tihte :)
    rawng sen pawh khian, Original taka a entir chu, pawl lar tak mah nise, tunah chuan thenkhat tan chuan, pawl bawnra tak ani daih thei. :)

    Thinrim changa dan chunga leng emaw inti tlat, mob rule hmanga sapatal chiam mai te, veng chhung thatna ti a mi sawisak chiam mai te, a then phei chu thi khawp hialin. YMA duty tepawh kha mihring ve tho annih avangain an famkim biklo a, an duty na ah personal taka thinrim chungin mi khawih chiam mahse YMA duty anih chuan thiam a chang zel thung. huh!!

    Hetianga YMA hminga duty si, thinrima mi khawih vak ching ho hi engtinnge Central YMA in a tih..? ka thianpa min hrilh dan chuan, Central YMA lam chuan, thatna duh a theihtawp kan chhuah laiin, ek cheh tawk techu kanlo awmve bawk ang chu.. ati. an mi sawisak te kha anva ngaihtuah zui chuanglo re re ni awmtak ani. Bleuu

    Ka fiamthu anih khi aw lak nat awihloh :D
    An fakawm a thil tha antih hnem avang maia an thil tih diklo pawh ngaipawimawh lo tur kanni lova, an thiltih that tamtak hi an thiltih thatloh tlemte hian a hliahkhuh zo lo. Amaherawhchu, an thiltih that tamtak hian an thiltih thalo (tlemte pawhnise) hliahkhuh tir ngawt chi ani bik chuanglo. khrims khrims :D

    [Report abuse]

  14. 14

    elcee Says:
    December 2nd, 2009 at 5:00 pm funny! I comment hi kei chuan fiamthu ti lo vin dik ka ti vek!

    [Report abuse]

  15. 15

    chawnghilh Says:
    December 2nd, 2009 at 6:39 pm

    YMA flag and its significance lam chanchin ka tilang vak lo vang a, yma-website an nei ve vek tho va, thlir chian theih a ni a.

    Rawng sen, dum, var-te kan hman chhan hi Islamic relation or near relation lam ni lovin, kan hmanlai Mizo rawng neih awmchhun (ting rawng [black] leh senduk [scarlet])-te an ni a; a var hi chu lapaw original rawng —pawndum, ngotekherh thlengin heng design kalphunga kan puan neihte pawh an ni.

    ZUP/MUP pawhin sen, var, dum tho tho —kan Mizo hmasang rawng hrang neihho tho kha an Pawl standard atan an rawn hmang ve bawk a; a var a laiah dah ve thovin, YMA flag leh MUP flag inan tak lohna chu YMA-in a sen a chung berah, MUP-in a dum a chung berah an dah ve thung.

    Aesthetic value lamah chuan a mawi em em hran lo khawp mai! Tin, arts lam atanga thlir chian phei chuan a dum leh a var phei chu COLOR zinga chhiar ve loh leh nghal! A mawina lama thlir dawn chuan a tla chiang a; hmasanga kan rawng neih ve te an ni tlat —tih a nih dawn miau avangin rawtna thar siam a zahthlak ve rum rumna chin a awm!

    [Report abuse]

  16. 16

    zualte-a Says:
    December 2nd, 2009 at 7:02 pm kei chu YMA flag hi tha ka la ti tho………a awmzia kan thlak anga ani mai alom….YMA flag niloin mizoram flagah

    [Report abuse]

  17. 17

    H.Vangchhia Says:
    December 2nd, 2009 at 7:11 pm Mizoram artist kan neih te hian an mitthla chhuak tha thei fu maithei a ni. YMA flag chu NGO pawl pakhat flag a ni tawh a, National games, Cultural meet etc a ken ah chuan a thar a ngai ka ti.

    [Report abuse]

  18. 18

    elcee Says:
    December 2nd, 2009 at 11:57 pm chawnghilh hi thu fing pui pui a ziah karah hian a chang chuan a point a bo hu chang hi zuk nei a mawle :-) A chhiar chiang lo nge, a point-ah a chiang tha duh lo tih hi zawhna a tling :-)

    @16, zualte-a! Chhiar chiang lovin i comment ve ringawt! Harh teh Vala :-)

    @3,changban lah hi “hove ooo” i ti ve ringawt a, a ho lem lo asin! I comment khi a ho fee zawks :-) Chuan he post hi ngun tak a i chhiar tak tak hnu a “hove ooo” i ti a nih chuan nangmah hi i hoh hmel ka ti ve tlats :-)

    [Report abuse]

  19. 19

    Pim Pom Says:
    December 3rd, 2009 at 12:13 am PC, kan mit a inanglo hle mai a, nula pawh rim dun ila kan in chuhpuilo chiang ngawt ang. Mit kalh, nui lip vun i duh lai khan kei chuan, meng de siar mai, a seih zawnga keh var thah mai kha ka thlang dawn si a..lolz

    [Report abuse]

  20. 20

    chawnghilh Says:
    December 3rd, 2009 at 12:56 am

    @elcee : YMA leh MUP hi engti kawng mahin kan convince danglam thei lo vang —black, white leh red (mawi ti lo mah ila) an lo thlan chhan kan Mizo original color ka rawn ziak. Islamic kan awn vang pawh a ni lo! I point pawh ka rawn ep hran lo.

    A point-a ka lo bo deuh a nih chuan “ka bona lai min hrilh ta che,” (Job 6:24) tih ziak ang mai khan —min han hrilhfiah teh le! :lol:

    “YMA flag hian awmzia a neih thui vak lo a ang,” i rawn ti hluai nain, awmzia a nei thui khawp mai! Ka rawn ziak fiah tawk, Mizo tawng ngeiin! YMA-a Life Time Member ni ve tawh tan chuan YMA Flag rawng thlan chhan lekfang khi chu ka chiang ve asin!

    Tin, YMA website siam hmasak tum khan (2001), YMA tih a lo theih hauh loh mai a, Young Muslim Association-hovin a lamtawi YMA-in an lo nei hman tawh si a … Young Mizo Association tih a ngaih phah ta a —Muslim-ho nen chuan point ka hloh ta rau rau —kan lo inhnaih viau a nih dawn tak chu! :oops:

    National Flag leh NGO Standard hi ngaihfin chi pawh a ni lo! Muslim-ho flag nen a rawng inang deuh pawh ni se, kan inlaichin lo hle a ni! An tihdan, an style leh kan style pawhin inlaichinna reng reng tlar khat pawhin a nei lo.

    Keima mimal autobiography-ah BLACK, RED leh WHITE hi ka hmang hmiah bawk. Sinner (black), Redeemed (by Savior’s BLOOD) and a sanctified life (white). I love —Black, Red and White … they have no marsupial taste of Muham MAD!

    Mizoram Flag ka’n hrilh chiang ang che —June 30, 1986 khan FLAG VAR hmang lo ila, inremna a awm ngut lo’ng e.

    [Report abuse]

  21. 21

    H.Vangchhia Says:
    December 3rd, 2009 at 1:16 am hairehai :D

    [Report abuse]

  22. 22

    elcee Says:
    December 3rd, 2009 at 3:30 am chawnghilh! A point-ah i bo ka tihna chhan :-)

    1:- “Rawng sen, dum, var-te kan hman chhan hi Islamic relation or near relation lam ni lovin, ..”

    Kan Islamic lo lutuk avangin kan rawng hman hi a in hmeh lo tih mawlh mawlh lai a “Islamic relation or near relation lam ni lovin..” tih luih tlat chu ka ti deuh.

    2:- “..kan hmanlai Mizo rawng neih awmchhun (ting rawng [black] leh senduk [scarlet])-te an ni a; a var hi chu lapaw original rawng —pawndum, ngotekherh thlengin heng design kalphunga kan puan neihte pawh an ni.

    ZUP/MUP pawhin sen, var, dum tho tho —kan Mizo hmasang rawng hrang neihho tho kha an Pawl standard atan an rawn hmang ve bawk a; a var a laiah dah ve thovin, YMA flag leh MUP flag inan tak lohna chu YMA-in a sen a chung berah, MUP-in a dum a chung berah an dah ve thung.”

    Post a link atang khian YMA flag a a sen,var,dum kan hman chhan hi kan pi leh pu te rawng neih hmasak a nih thu a sawi. Hei hi a post tu leh chhiar tu ten chhiar miah lo leh hre miah lo ang in kan pi leh pu te rawng hmasa a nih vang a kan hman a nih zia i han sawi leh vak bawk :-)

    3:-Aesthetic value lamah chuan a mawi em em hran lo khawp mai! Tin, arts lam atanga thlir chian phei chuan a dum leh a var phei chu COLOR zinga chhiar ve loh leh nghal! A mawina lama thlir dawn chuan a tla chiang a; hmasanga kan rawng neih ve te an ni tlat —tih a nih dawn miau avangin rawtna thar siam a zahthlak ve rum rumna chin a awm!
    @20-”black, white leh red (mawi ti lo mah ila) an lo thlan chhan kan Mizo original color ka rawn ziak. Islamic kan awn vang pawh a ni lo!”

    He post hian a mawi leh mawi loh lam a focus lo (a point a ni lo) Tin, asen,var leh dum te hi a mawi loh em em pawh ka hre chuang lem lova kei phei chuan. Hetah pawh “Islamic kan awn vang pawh a ni lo” i la ti hram :-) Islamic kan awn loh lutuk a vang leh, kan YMA flag hian Islamic rawng a kai em em si avang a in hmeh lo ka tih em avang a he post hi ziak ka ni!

    4:- “ ‘YMA flag hian awmzia a neih thui vak lo a ang,’ i rawn ti hluai nain, awmzia a nei thui khawp mai! Ka rawn ziak fiah tawk, Mizo tawng ngeiin! YMA-a Life Time Member ni ve tawh tan chuan YMA Flag rawng thlan chhan lekfang khi chu ka chiang ve asin!”

    “Link ka rawn dah hi a dik a nih chuan” ka ti a ni. Tin, Pu chawnghilh :-) ka link dah khi a dik a nih chuan, kan ti tha leh teh ang, “YMA flag hian awmzia a nei thui khawp mai” “YMA flag rawng thlan chhan lekfang khi chu ka chiang ve asin” i la ti hram ang maw?

    Enge awmzia a neih thuina chu? enge rawng thlan chhan chu i chian em emna chu ?

    Link khi a dik a nih chuan :-) han chhiar tha leh teh!
    YMA flag a rawng sen,var,dum an hman nachhan hi a bulberah phei chuan chhan mumal a awm hmel loh em khi. “YMA flag chu a sen, avar, adum ni rawh se” an ti, tih khi maw i chianna em em chu? YMA flag tur a tirah neih a that thu an rawt a, a tawpah a chhan engmah sawi lo vin heng rawng pathum te hi an hmang mai ni in a lan zawk khi.

    Tin,1975-ah conference-ah a dum hian a en tir a that vak loh avang in thlak rawt tu an awm,1976 a rawng hring,var,pawl hman rawt tu an awm avangin a duh lo tu ten rawng pawl/hring hi a in hrin/pawl hleih zeng zung dawn a an hriat avangin rawng sen,var leh dum te kha sawimawi leh in “KAN PI LEH PU TE RAWNG HMASA BER NEIH AN NI A,ANMAHNI KAN HRIATRENG NAN LEH KAN ZAHNA ENTIRNA PAWH A THA E” an ti ta lek zawk a nih hmel khi mawle. A lo chhuahna tak in awmzia a nei vak lo va, an hman zui zelna chhan pawh khian awmzia a nei thui ka ti chuang lo.

    Engvang maw? A chhan chu mi hnam pi leh pu te pawh an rawng hmasaber te a variety vak ka ring bik lo. Heng rawng te hi an rawng hmasa ber a nei an awm ve teuh ang ka ring khawvel hnam sang tel awm zingah hian. Chuvangin rawng pawl leh hring hman duh lo tu ten kan pi leh pu te rawng hmasa a nih chhuanlam a an hman hi a hlutna em em ka hre lo. Tin, Arab traditional colour lo ni kher lo ta se, rawng hran hman tur mumal lo nei ta vak lo i la heng rawng pathum te hi kan pi leh pu te rawng hmasa a nih avang chuan hman a awmlohna em em a awm chuang bawk lo.

    5:- “National Flag leh NGO Standard hi ngaihfin chi pawh a ni lo! Muslim-ho flag nen a rawng inang deuh pawh ni se, kan inlaichin lo hle a ni! An tihdan, an style leh kan style pawhin inlaichinna reng reng tlar khat pawhin a nei lo”

    Mizo zingah ngaih fin kan awm lo va, ngaih fin a hnekin mizo zingah 99pc hi AD 661 atang tawh a Arab colour a ngaih a ni tawh tih hre lo kan ni. Tin, Muslim lo style leh kan style a in an loh em avang a muslim traditional colour kher kher lo hman a tul ka tih loh zia sawi nan he post hi ziak ka ni.

    Pu chawnghilh! Heng points i rawn siam zawng zawng hian he post sawi tum hi a hlauh chian em avangin nang, misualcomer ho zing a hrethiam ber tur hian hrethiam lo der i ang ka ti a ni :-)

    Conclusion

    1. Mi hnam te hian a tlangpui thu in flag hi awmze nei leh chhan tha tak awm in, rawng chi hrang hrang an pawm dan hmang in an lo siam thin.

    2- YMA flag lo chhuahna hian awmzia a nei thui vak lo.
    “Kan pi leh pu rawng neih hmasa an nih vang” tih pawh khi 1976 (kum 34 kalta lekah) a YMA conference a rawng hring leh pawl hmang duh lo tu te tanfung mai a ni. Kan pi leh pu te rawng neih hmasa an ni lo tihna ni lo vin. Tin, heng kan rawng hman te hian chhan ril tak a nei a nih erawh chuan mi in Aram flag a ang pawh lo ti se a pawi lem lo. Mahse he rawng kan hman chhan han en chian hian kei chuan thlak kan hreh em emna chhan tur ka hre lo.

    3- mizo kan awm hma kum za tamtak AD 661 atanga Arab colour ni a khawvel in a lo hriat tawh hi keini mizo te hian he rawng pathum kan pawm dan leh hriat thiam dan hmang in “kan pi leh pu te rawng neih hmasa a ni” lo ti lo ti ve mah i la, engtikahmah khawvelin Arab rawng a ni a tih hi a thlak phah dawn chuang lo.

    Heng zawng zawng hre chung leh YMA flag tanhmun ni a thenkhat sawi, kum 34 kal ta lek a YMA conference a rawng hring leh pawl hmang duh lo ten ” Kan pi leh pu te rawng neih hmasa a ni” an tih khi zah em em a, chawnghilh ang a rawtna thar siam zahthlak tih phah nan kan hman a, mi tam tak in Arab ram/hnam flag emaw an ti reng tur pawh pawiti zo lo va, he 1976 YMA conference a an thu rel hi kan zah em em dawn a nih chuan sawi tur ka hre ve tawh lo. Ka bâng, he case-ah hian ka kut ka sil e :-)

    [Report abuse]

  23. 23

    lalhmeltha Says:
    December 3rd, 2009 at 3:38 am A post hi ka sp khwp mai.

    [Report abuse]

  24. 24

    chawnghilh Says:
    December 3rd, 2009 at 4:45 am

    @elcee : Circumlocution hian idea dang a thlen ve bawk alawm! Ka hriatna tawngchham tak mai hian a daih thui lo teh asin! Written-a awm piah lamah Nehru Yavak Kendra-a Pu Thandanga te nena HMAN HMAN-a dawhkan kilhova kan titi ka rawn uar PALH LUI deuh bawk a ni e, thangthar titi leh thudah-ah ka lo zuang lut tlem a ni!

    Pawl leh thiltumte hi Society Registration Act-a registered vek a ni a, thu awm tawhsa hi tihchet a harsa tawh khawp thin! Mahse, thil thlak danglam a awm chuan NOTARIZED thlap hnuah a tihdanglam theih khawp, chutiang chu ka buaipui ve zauh zauh tho. YMA Flag leh logo mawi ti lova sawisel zing ber pawla mi ka nih ka inring! An hruaitute hmaah pawh sawi bawng bawng mai ka ni thin!

    A thinkhei zawnga ka lo OT-naah ngaihdamna ka dil e.

    Muslim World-ah a sen, a dum, a var an lo uarzia-ah min tibengvar sauh e, Ka hlawkpui lutuk, i thil post hi!

    hlauh tia elcee i rawn sawi hi HLOH tih zawk tur, language-ah pawh improvement nei tlang ila. Vernacular ka la lo, ka curious tawp, muantea te tluk lo mah ila!

Advertisements

One Response

Subscribe to comments with RSS.

  1. hmingtea said, on December 5, 2009 at 8:00 pm

    A bengvarthlak trhin ngei mai!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: