Chawnghilh's Blog

Post loh ai!

Posted in Qualitus : Habitus by chawnghilh on December 4, 2009

Tubeless Tires! Khawvèl ram zawng zawngah hian tube telin motor engzàt tak la tlàn ang maw? Tubeless a nih ang ngeiin TUBE a han awm ta miah lo mai hi—khawvèl economy mita thlìr phei chuan a hautàk zualpui chu a reh hawk dâwn a ni mai! Kum engzàt chhûng meuh nge tube nèna kan lo tlàn tawh; lìrthei engzàt nge tùnah hian TUBE tel tawh miah lova tlàn zàt ni ang âw?

Tube pakhat man hi Rs 80 ni ta se, a lo berah light vehicle pakhatah chuan Rs 400 ngei ngeia sèn a ngai dâwn a (spare tire telin) —khawvèl pum puiah phei chuan a va han tam dâwn tak èm! Tubeless hi la awm lo se Thelrèt kùng pawh phun belh reng a ngai dâwn a ni àwm a. Khawchhak lama thelrèt kùng atanga sumdâwngho pawhin an tawrh phah kàwk dâwn a ang hle mai!

Wheel-rim leh tire ringawta nozzle vuah a ni ta mai si a—a hautak ta lo hle mai!  Perek a han chil lahin, thiam takin an phawi a —perek a luhnaah solution engemaw leh hrui engemaw an thun fel thuai thuai a. An pump puar ve leh mai bawk a. A va samkhai tak èm! Dendrite leh tube belna vèl a ngai tawh dèr si lo! Truck leh Bus zawng zawngte pawh tubeless vekin an tlàn ta! Retread tire-te erawh chu ngampa taka hman a harsa chuan a rinawm!

Truck khalhtu ni ta la. Lei hnuaiah tlanin inchi khat laiin i thil phurhin lei a hrut ta si a —engtia tih tur nge? I thil phurh chu i offload mai dawn em ni? Tichuan, lei hnuaiah i tlan tlang ang a —lei piahah i thil phurh chu i load tha leh dawn? Driver hmangchang hre tak i nih chuan i motor tire kha tithep hret la, lei hnuaiah chuan i tlan tlang thei hrim hrim ang.

“Ni Ruk Indo” hmâ pawh khân thlalèr hmuna chèt dàn tùr chu Israel sipaite khàn an lo train làwk diam tawh a. Aigupta sipaiten chu chu an train làwk ve dèr si lo! Augupta sipaite tlàn theih lohnaah (an tànnaah) Israel sipaite chu an dùk zar zar thei zèl mai a ni. Motor ke hi a in-pump ruh lutuk chuan thlalèr vutdùrah a inhai pial relh relh a, a tâng vat mai zèl. Mahse, Israel sipaite chuan an motor tire nozzle kha an han hmet thaw ham ham a, a pump a lo puar ta lo hret khàn leia a innghahna area a lo tizau ta sauh va—a’n hai leh chiah chu nàl ralh awm lovin a tlàn char char thei zèl ta mai a ni. Motor ke pump ruh lutuk chu brake pawhin a ding mawhin a tleng thui duh —a pump hi ruh lutuk lo se, brake châng pawhin a inthàm nghet a—a ding awlsam nge nge a ni! Wheel system hmuchhuaktu hi a fakawm khawp mai. Wheel leh chhuat insìk (inhnèk)-na point hi a tèt poh leh wheel a lìr chak mai zu nia! I hriat vek tawh thil—ka chhiartîr mai mai che a nia! Ka làwm e.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: