Chawnghilh's Blog

Dàwrkaiah Mawi Mawi

Posted in Qualitus : Habitus by chawnghilh on December 6, 2009

Christmas a hnai ta!

ADVENT CHRISTMAS pawh a nihphung dik tak tùr ang chuan November 29, 2009 (Sunday) kha a program intan hun a ni ta! Biak In kawtkaiah Banner lianpui puia ADVENT CHRISTMAS tih ziak an târ ta tiar tuar mai! Adventists Church pawhin ADVENT CHRISTMAS program chu November 28, 2009 atangin an hmang a —Christmas ùrlàwkna hmahruaitua tangin Jesus is the Reason for this Season,” thupuia neihin an hlim hle a ni. Christmas ùrlàwkna kawnga ADVENT CHRISTMAS hun ruat aia hmâa tantu —a hmahruaitu a ni ta tlat!

Picture 1 : Sophia, Jewelry lama sumdâwng hausa —Ethiopia nula a ni. “Vûr tlàk hun hmasa lam hi chu nuam ka ti; a tlàk hnem belh zèl hian ka ning,” a ti thung. Kawm nuam tak leh titi duh ve tak a ni.

Picture 2 : Lu mèttute awm khàwmna lai, Hair Cuttery an inti —vûr tlain a rawn bawh vèl hi a thla làk chhan a ni chauh ve. Lumeh man hi $ 20 leh tip a ngai vel. India tangka chuan Rs 900 vèl a ni ber àwm e.

Picture 3 : Building chhàwng a awm nual thin avàngin —dàwr hmuna chhuk leh chhohna a samkhaia a chèt a ran lehzual nân escalator-a làwnkaina mai tùr a awm zèl a ni. Mizoram-ah pawh Millennium Center-ah kan nei ve tawh awmin an sawi.

Picture 4 : Food Court —Dawhkàn leh thutthlèng a lo inrem khup ang, chumi hmun zau tak hual chhuak vekin ei leh in lam zuartu Company hrang hrang an lo inpho tuar ang a —mahni chàk zâwng leh tàm hnèm leiin, chùng dawhkàn leh thutthlèngah chuan va inhlui ve mawp mai tùr a ni; ei ve ngàwng ngàwng mai tùr a ni. Hei hi Mall chhûnga awm vek a ni a. Food Court kiang lawkah zunram thiarna fai tak a lo awm vek bawk ang. Mahni ei nawi leh bawlhhlawh chu mahnia inthen fai kèlh tùr a ni a; Trash Can lian pui pui hmun remchângah a inchhawp vek a. Chuta paih luh mai tùr. He mi hmun ang hi a fai thianghlim theih nân chumi hmuna an mi chhawrte chuan uniform hà leh hmanrua englai pawha hùmin an rawn thian fai chatlak ngai bawk hek lo vang. Heti nilêng zak zak hi a ni mai —riltàm tuihàlna khawvèl hi …

Picture 5 : MACY luhkapui —pâwnah vûr a lo tla ve mêk a, TARGET, JC PENNY etc., a inluh-pawh vek. Duhna hmun pan nal nal kha hun a hek lo ber mai! Kawtkai rèng rèng hi tual zau tham tak, kawngkal nei veka Car park-na hmun a ni zèl!

Picture 6 : Customer-te mit lakna tur hian cheimawi hi an uar em em vek a ni, Christmas boruak-ah tawh pehi chuan naupang lawm tur mai pawh ni lovin, puitling lawmzawng tur hlei hlei hi an thil cheimawi dan a ni e.

Picture 7 : Hèng thutthlèngte hi bih chiang la, MASSAGE neihna a ni. Thianghlim takin a inhûng a. Dàwrah dârkâr tam indàwr nân hun i hmang a. I inkhai bâwr èm èm a. I hnungzâng a lo kham … he chair-ah hian thu chàwl la, dollar note rawlh luhna tùr chair leh chair inkâra BOX-ah a lo awm ang a, i thutna lam hnaih zawkah Dollar note rawlh luh tùr —i hnungzâng kham kha $ 1 rawlh luhin minute 3 chiah, thiam leh nuam lutukin Chair hian a massage (malis) ang che. $ 5-in minute 15 —rawl leh kham erh urh chu a chhàwk ve hawk. A nuam duh khawp mai!

Picture 8 : BONUS mai mai!

Picture 9 : Naupang Tualchaina hmun hi Mall-ah an awm lo thei lo —pawisa làkluhna vek a ni! Naupanghovin an hmuh tawh chuan loh theih lohvin an pan ruak ruak mai zèl! Nuam an ti ve a, hmun nuam an lo mamawh ve èm atin a ni! Puitling hlei hleiin an fate hlim taka che vèl chu hmuh nuam tiin —camera nèn an lo veh ve reng bawk!

Picture 10 : Flotation Decorations and Sales signs “decorated S” —in chung thlîr chho teh, vûr hlîrin a lo khàwn vek bawk ang!

Sumdawnna a hlawk ber hun lai chu Christmas dawn hnaih hi a ni —Thu Puan 18:3 A mi ngaih chìn vànga thinurna uain chu hnam zawng zawngin an in tawh si a; leia lalte chuan ani chu an ngai thìn a, leia sumdâwngtute chuan a nawmsak bàwl lutukna chu an hausak phah thìn.” Santa Claus kiangah naupangten thlâ an rawn la chur chur thìn bawk —tin, naupang tâna an nuam tih èm èm tùrin nawr-lirh (cart/peram) a inchhawp vek a. Car khalh taka an han khalh vèl hi nuam an tih —sumdâwngten thil an arrange thiam èm èm, naupangte hîptu a ni ber e!

Santa’s Holiday Parade hi he Mall tân hian Christmas Season chauhva awm a ni a. A hmun rawn luah man hi a to tham fû ang a; bungrua rawn inchhawp lùt tùr hian truck hire a ngai bawk ang a. Mall chhûnga thiar lùttu tùr … Santa Claus putar pawh hian hlawh a nei ve vek dâwn a ni. Hmun a tilùn sàwt hle a, naupangten thla an rawn làkpui nasa hle, innêk buai lovin a tahtawlin an intihchhàwk a, an intlar peu pou mai a ni! —Cameraman khàn postcard size copy 3 kha US $ 17 + TAX char charin inhlawh nân a hmang zui ta bawk a ni.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: