Chawnghilh's Blog

Sande Sikul —Chhuanliana BVT

Posted in Qualitus : Habitus by chawnghilh on December 9, 2009

Kum 2009, November thla “Kristian Tlângau” Zawhna leh Chhànna-ah khân —tuin emaw SANDE SIKUL ziak dàn tùr a rawn zàwt a. “Sunday School tih tùr,” tiin rawn chhàn a ni.

Mizo tawng tihpun hi ka ngaihtuah ve zâwng tak a niin, mithiam zàwkte hian chher (coin) sela tiin Chanchinbu-ah te sàwmna ka lo chhuah ve thìn. Chutih laia Mizo tawng ni maia kan lo hriat tawh SANDE SIKUL tih thai bo tùr ni àwm taka Kristian Tlângau Bu meuha a lo lang mai hi ka helh ve deuh a ni.

‘Hnam tin hian mahnî tawng bìl kan nei e,’ ti tak mah ila; khawvèl finna leh thiamna a thang zèl a, kan neih ngai loh loh kan hre thar bawk a. Mahni tawngah leh ziak dàna làk luh loh theih loh kan nei thluah àwm e. Mizo-te phei hi chuan tawng kan nei tam lo bawk a —hnam dang tawng hi kan hmang teuh lo theiin a lang lo.

Pathian thu kan awih ve atang ringawt pawh hian tam tak chhèr a ni hlawm :—

Bible = Baibul, Egypt = Aigupta, Paradise = Paradis, Chaldaes = Kaldai, Baptism = Baptisma, Zachaeus = Zakaia, Sacrament = Sakramen, Hebrew = Hebrai, Cross = Kros, Messiah = Mesaia, Mary = Mari, Greek = Grik leh a dang thahnem tak.

Hnam dang atang pawhin tam tak kan seng lùt bawk.

Cigarette = Sikret; Chutney = Chawtani; Lantern = Laltin; Bara Sahep = Bawrhsap; Pencil = Pensil; Lord Sahep = Larsap; Bottle = Bawtawl; Sial = Sihal; Bungalow = Bangla; Saban = Sahbawn; Kalam = Kawlawm; Pucca = Paka; Kamal = Kawmawl; Paisa = Pawisa leh a dang tam tak.

Heti ang hian hnam dang kan hmuh hmasak, Sàp leh Vai-ho atangin Mizo Tawng thahnem tak kan chher chhuak a ni. Sunday School-te pawh kum 1920 hma lam atang tawha SANDE SIKUL tiin Mizo tawngah seng luh tawh lo niin hlaah hial pawh ‘Sande Sikul i kal ang u,’ tih te kan lo nei hman hial tawh a, Aizawl khawpui kàwn hmingthang pawhin ‘Sikulpui kawn’ tih te a lo put phah hial tawh hnua han Sunday School that-leh hnuhnawha Mizo Tawng thumal pahnih tlawng han tihkiam leh rih hi ka lai a nàt deuh avàngin SANDE SIKUL tih hi paih lul lo tùrin ka rawn ngèn a ni e.

Courtesy : Mizo Aw
dated December 8, 2009

WELCOME!

Len luhna thlàkhlelhawm with great infatuation —
Advertisements

One Response

Subscribe to comments with RSS.

  1. hmingtea said, on December 9, 2009 at 8:11 pm

    A ni ngawt mai —Mizote chu kan thil trha neih te hi hnam dang pek kan ching. Zovawkte pawh Tuikuk-vawk kan ti a; Zo-uite pawh Tuikuk-ui te kan ti a. Hnam hmasate pawhin hnam dang tawngte hi an trawnga awm ngang lo leh awm pawh ni se hman uar zawk pawh ni se khitiang deuh khian an trawngah an seng lut hram zel. University te pawh hi Uuniversita (ka U hming chu Lala), Mizo trawnga lam U angin lam tur. Bus te pawh awtawbus temparetura etc.,


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: