Chawnghilh's Blog

A kross put a tlùkpui tak tak maw?

Posted in Qualitus : Habitus by chawnghilh on December 16, 2009

Lungngaihna thing kross chu kan tân a pu a,
Chauvin a tlu a,
Kilhna thìrkhen ka tân a na lua e
Aw! Ka sawi thei lo!

tiin,  he hla lungkuai tak hi ka sa zing ve fû a. Mahse, Bible hi ngun èm èma ka chhiar pawhin Isua (Yahshua) hian kross a put a; a tlùkpui thu ber kher hi ka la chhiar ngai miah lo thung—in lo chhiar tawh a nih chuan comment-ah rawn ziak lang hreh lo ula, Chanchin Tha palia a ziaktu, bung leh châng min rawn hrilh ve ngei dâwn nia!

Roman Catholic Church-te pawhin chauva a tlùkpui thu hi an uar hle a; Jerusalem Via Dolorosa-ah phei chuan a tlùkna station 14 lai an siam phah hial si a—a hre chiang deuh in awm chuan min rawn pui ngei teh u le!

Tin, Nazareth Isua an khenbeh nîa a sîr tawna misual pahnih an khenbehah khân a vànnei ta zàwk kha Isua dinglama khenbeh tiin sawi a hlawh fo va. Bible hi ngun taka ka chhiarin misual nihlawh zàwk kha chu a inziak chiang a; mahse, ‘Isua dinglama mi‘ ti khera a inziakna lai hi ka la hmu ve thei lo va. Min pui thei in awm chuan ka làwm hle ang.

Ringtu kan ni a—thil hi ngaihnawm tak tak hian kan sawi a. Kan sawi nàzawng hi Bible-ah hian a lo inziak lo ve thei tlat a. A chunga thil pahnih ka la hmuh zawh ve rih loh ka rawn tàrlante khi min rawn hrilh chiang thei in awm chuan a làwmawm hle ang.

A bàk thil dang —thubenglùt deuh deuh pawh a tam thei fû ang—chìk mite tân he Sam 126-na hi han târlang leh lawk ila. BUH CHI tia dah hian a phawk zo lo deuh lo maw? Buh chi ti lovin CHI HLU (precious seed) tih a ni zàwk nghe nghe a; Septuagint (LXX) an tih, Grik tawnga Thuthlung Hlui Bible-ah phei chuan Sam 126:6 thu hi a lo awm lo leh nghàl!

Tap chungin buh chi feh chhuahpui mah sela,
A buhphalte kengin hlim takin a lo hàw leh ang.
— Sam 126:6

Tap chungin chi hlû feh chhuahpui mah sela,
A buhphalte kengin hlim takin a lo hàw leh ang.
— Sam 126:6

Septuagint chu 270 BC vèla Alexandria (Aigupta) khuaa Hebrai Bible atanga Grik tawnga Bible an lehlin a ni a; an thurochhiah inhlanchhàwn zèl dànah chuan Mithiam 72, Israel hnam tin atanga mithiam paruk zèlten an lehlin nia sawi a ni. Mahse, mi pahnih an tel theih loh aleiah mi 70 an ni ta a; chuvàng taka mi 70-te hriat rengna ni paha SEPTUAGINT vuah ta ni àwma sawi a ni.

WELCOME!

Lèn luhna thlàkhlelhawmte —
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: