Chawnghilh's Blog

Apsara = Beiseina Khua

Posted in Qualitus : Habitus by chawnghilh on December 29, 2009

 

Beiseina Thar duhawm hian a tua te mai pawh hi min va han chawk hlim thìn tak èm! Hnam thangharh mêk Bru (Tuikuk/Riang)-te pawhin anmahni thlìr phàk chin ang zèlin an khaw hming atân Apsara, Nai-singpara, Khakchangpara an la tih belh ve zèl. Marpara tih deuh ngàwk ai kha chuan a ril ta zâwk fê! An khaw hming awmziate hi i hriatpui em?

Apsara = Beiseina Khua,

Naisingpara = Kan khaw nghah mêk chu,

Khakchangpara = Hlimna Khua tihna lo zuk ni rengin!

Chakma (Takam)-te pawhin lui dung an bèl tlângpui bawk a; an chènna khaw hmingte pawh lui hmingchawiin an sa zèl a … SURI —Belsuri te an ti a, bel chu hrui (cane) tihna ni leh zèl a. Nuam ti takin hun an hmang ve bawk thìn a ni!

Hèng hnamte hian an khaw hming vuah dàn atang hian beisei thil duhawm an nei ve a ni —Mizo-te hian eng thil tha leh hmantlàk nge kan beisei ve le? Thil tha leh hlimawm lamah thil thar BEISEI kan nei ve meuh em? Min hruaitute hian mipuite suangtuah phàk lova min hûng thei khawp tùrin hmathlìr eng ang fakau nge an neih ve le âw? Hruaitu leh an hruai mipuite inkâr hi engtia inthlau nge ni ve ta le?

BEISEINA hi hmathlìr duhawm berte zînga mi a ni e. Chhiartute BEISEI duhsakna tha mi ka hlàn a che u. Keini pawh CHITE LUI kiangah kan awm ve tho alàwm!

 

WELCOME!   

Lèn luhna thlàkhlelhawmte   

Advertisements

3 Responses

Subscribe to comments with RSS.

  1. tetea7 said, on December 30, 2009 at 2:44 pm

    Restoration of Chite River kan buaipui mek asin. I thlalak chu tangkai taka hman dan ngaihtuah ka lo tum ang e.

  2. bawmrang said, on January 8, 2010 at 12:16 am

    Chite lui thlalak chu a mawi kher mai.
    Chite lui hi ka vawikhat hmuh vena a ni. Ka rin chu a ang lo khawp mai. He pic lak hun hi fur lai a ni ngei ang a. Fur laiah pawh tui heti zah lek a nih chuan thalah phei chuan luang tur abar pawh a awm dawna mi?

    A thla lakna a san em avangin ka hmu te/tlemte pawh a ni mahna!

    • chawnghilh said, on January 8, 2010 at 1:26 am

      A tia lawm K. Kawla pawhin, “Burma Rangoon-ah tingtang nen Hall-ah nula leh tlangval kan kal khawm ve a. Chhawrthlapui eng hnuaiah Zawlkhawpui sira luang dem dem Chite lui, kan sa dal dal a. Mitthlain sanghate kan man a. Kan lung a leng em em mai a.

      Aizawl ka rawn thleng thla a, basket-ah ball boot leh football khaiin, kan lo suangtuah fo thin kan lunglenna Chite Lui chu a hmunah ngei ka zu kal chilh a. Khita tanga kan rin ang he hu a lo ni hauh lo mai a; a kamah te khan CRP ek-thing a lo let ngit nget a …” a ti, min hrilh tawh.

      Wordsworth-a ngei pawh khan Yarrow Unvisited tih a phuah leh a farnu nena Yarrow an va fan thu a phuahna Yarrow Visited a phuah chu kar hla tak a ni ta reng a ni; suangtuahnaah hian a lo nuam a; a tak ram dai hian suangtuahna a tluk mawh riau thin.

      August 20, 2004-a ka lak niin ka hre ta. Chite Lui atangin Bethlehem Vengthlang ka bawkvak chho va, chauvin kawnglaiah ka let thlawp. Ka lakna lam hi Zemabawk Falkland hnuai a ni e. Kei pawhin lungleng taka ka lak a ni.

      Chite Lui kam vel hi tunhmaa Agriculture lama Demonstration ground atana Sap Missionary-ten Paite-ho an enkawltir thin a ni. Tun thlengin eng eng emaw entirna hmun atana enkawl zui a la hlawh. Ngaw buk tak Chite lui kama lang hi Bethlehem Vengthlang hnuai lam tun hmaa Mini Zoo velt hin kha niin ka hria, a piah chhim lam ngaw saw Pachhunga Memorial University College Campus a ni thung.

      Tunah chuan Chite lui kan hian World Bank suma kawng laih a ni tawh a, Bridge namai lo deuh pawh an dawh fel tawh a rinawm.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: