Chawnghilh's Blog

Ni 90 chhungin views 7,172

Posted in Qualitus : Habitus by chawnghilh on December 31, 2009

 

Ka làwm hle —webblog ka siam ni phat atangin ni 90 a lo inher liam ve ta dèr mai. Chumi chhûngin thu ngaihnawm ka ziak thiam lo. Ka ziak bawk hek lo. 

English-a ka ziakin, chhiartu ka ngah vak thei lo—Mizo tawnga ka ziakin chhiartu ka ngah zual deuh hlek. A hoh chângin views a tam, a khùnkhàn hretin views a tlêm. Min chhùtpui thiam ka ring tawh mai! 

Views 380 vèl October 2009 khân ni khat chu in awm ve tlat. Ka làwm hle — “He was a Hippie, Now He is Happy,” tih thupui kha in làwm ber a ni àwm e. English uluk deuhva ziak atân ka awt leh hnuhnawh. Mahse, kan lawm tàwk a tling a ni berah ngai ta ila —

 A dang zawngah chuan 30 – 160 vèl viewers in awm ni berin a lang. Ni 90 chhûngin views 7, 172 ka dawng ve tlat (viewers 7,172 ni lovin). Ka làwm khawp mai! Hei hi mi(sual).com atanga linkage min siamsak vàng a ni ber zàwk ang!  Misualdotcom Administrators-te chungah làwmthu ka sawi pah bawk e. Viewers zawng zawngte chungah làwmthu ka rawn sawi nawn bawk e. Ka phû miah loh thil a ni. Zaia of Kolasib leh MzVision of Aizawl-ten min fuih kal reng pah a, tlin lo chung chungin engemaw ka rawn târlang ve zauh zauh. Feedback tha tak takin min chhàwn lèt a, ka phùr thar viau zèl thìn. Min chotuah thiam hle avàngin ka làwm e.

MzVision hian ka THLALAK thenkhat a hmuhin, pholan atân a ìt deuh va. “PHO LANG TEH,” tiin mi rawn fuih nasa mai a. “Blog siam teh,” a rawn ti zen mai a. Thlalàk pholan mai ni ta lovin —thu ziak lamah ka lo duhthawh khanglâng a. ka ti ta lu deuh em âw ka tih châng a awm tlat! Ka inthiam chawp a, thu ka ziak chhiartu —chhiar nawn leh SIM TA VANG VANG pawh an awm nual ang! Ka hre sêng tawh bìk si lo!

Kum han thar sela, Nikon D60 mai ni tawh lo deuh atanga thlalàk rawn tihchhuah chhunzawm kan tum teh poh a niang chu!

Blog dang ka’n chhiar thìn a —a ngaihnawm hlawm hle  mai  thìn a. Ka insit duh chuang lo nàin, thil inzir chawp thar leh tùrah ka inngai a, ka inthlahdah phah deuh pawhin ka inhria. Ni tin a thar zel hung chhuak tur phei chuan hun reng reng pawhin min daih lo hle mai! Software dang atanga ka ziak transfer mai lah a lo awlsam lem lo va; ka kuthnu mawi lo a tam phah viau mai a, in mi ngaihhnathiam ka rawn dîl thar leh bawk e.

Theihpatàwp chhuahin, hun àwl awm lêk lo khawpin, tan kan la thar leh dâwn nia! Mi dang leh blog danga thuziak ngaihnawm ka tih leh ka chhiar nân hun ka hmang nasa a —ka duhtàwk ka lo ngah mai ta thìn a. Ziak thar ka ngaihtuah loh châng a tam mai!

Greenwich Mean Time chhak lama mite chuan December 31, 2009 khaw èng in hmang mêkin ka ring. Kum AD 2009 atân chuan ni hnuhnùng ber a lo ni ta reng mai! Engpawh ni se, min kaihruaitu Pathian min hruainaah i làwm vek ang u. Gregorian Kum Thar kan lo chuangkai dâwn ta a —duhsakna sâng ber in thil tihna kawngah ka hlàn vek bawk a che u.

Milem ka rawn tàrlan khi Gettysburg Huan-a mi a thla ka va làk zuai a ni e.

Dam takin,   

 

WELCOME!   

Lèn luhna thlàkhlelhawmte   

Advertisements

3 Responses

Subscribe to comments with RSS.

  1. Zaia said, on December 31, 2009 at 7:14 am

    Congrats!! Kei, kum khat dawn hnuah unique visitor 4,000 vel chauh ka la nei. Hei zat tlawhtu i nei a nih chuan, i thuziak leh milemte a theuneu lo tih a hriat mai. I thuziak hi engtikah emaw chuan chhuah chhawnah ka la dil dawn khawp che. I phal loh pawhin ka chhuah tho ang. ha ha.. Hei, keini lamah chuan December 31 chhun dar 12.44 a ni mek. Kum Thar Chibai ka ti nghal law law mai e…

    • chawnghilh said, on December 31, 2009 at 7:38 pm

      Dear Zaia,

      Happy New Year! You enrich me a lot. May God bless you and all that you belong! Let’s hope, one day, we shall meet.

  2. hmingtea said, on December 31, 2009 at 7:54 pm

    Kum Thar Chibai, Pu Chawnghilh —I blog tlawh a manhla ngei mai, mit a tlaiin hriatna a pungin beng a var duh ngei mai —Baslakha בשלך בשנה הבה


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: