Chawnghilh's Blog

Arlington National Cemetery, Virginia

Posted in Qualitus : Habitus by chawnghilh on January 4, 2010

He thlànmual hmingthangah hian i lêng lùt ve hrim hrim teh ang u—a zawng zawng photo upload chu a harsa; mahse, engemaw chen thlîr ve hrim hrim ila, America ram hmun hmingthangah kan lêng lùt a ni ve mai alàwm! A hre chiang belh duhte tân lah Google englai pawha ràwn belh tùr a awm tho si —

Welcome to Arlington National Cemetery, Virginia. He thlànmual zau leh mawi tak hi Khawbung lam unaute pawhin lo thlîr ve an nih chuan Poets Corner an tichangtlung lehzual thei mai thei a ni. He thlànmuala inphûm ve meuh tùr hi chuan mi engemaw riau nih chu a ngai ve khawp mai le! Nilênga kea fan zawh hman chi a ni lo, Bus hire tùr bìk chi (Tourmobile Sightseeing/Open Top Sightseeing) a awm a, chu mi hmang chuan a fan kim theih hret. Keini, pa ngalchak tân pawh, camera nèna fan thui ruak ruak chu thil harsa tak a ni.

In rin ngawt aiin he thlànmual hi a zauh ka ring (200 acres)! Minute 30 chhûnga ka tlàn thuak thuaka ka thlen chin ringawt pawh a zîm tham riau—kawng sîrah tui in tùr herh haw theih a awm  fer fur a. A ziaawm viau! Mahse, tlawhtuten an in lo hle hlawm. Thlan tihdaih nâna hmai han phih bawrh bawrh nân chuan nuam tak a ni thung. In tùr bìk chu bottled-water pai a fel ber.

Tin, Gate-pui atanga chhohvin, tlawhtute dawnsawnna in, Bus hire duhte tâna Counter lian tàwk, zunram thiarna leh hahchawlhna Building nuam tak a awm a, a backyard kawt zau tak paltlang a ngai leh a. Làmlian kawngpui kan leh a ngai a. Chuta tanga lamliana chhovin, thlàn hmun inkârah kawng a chho kual ruih mai a. Meter 100 vèl chhoh hnuin, dinglama pêngin Km ½ pawh tling lo hretah John F. Kennedy-a thlàn a lo awm ang. A thlàn thlen hma hian lungdawh zau helh-hawlh tak a lo awm ang a, chumi pang sîrah chuan a thusawi nung reng an lo ziak kuau ang, he milemah pawh hian rawn tàrlan a ni e.

Tin, Kennedy-a thlàn awmna lo lamah khân kawng a chho ruih mai a—chu chu zawh chhoh fê ngai tham a ni. Hla fêah Tomb of the Unknown Soldiers an tih kha zahna pèin sipai pathum smart tak tak ten homage parade an lo nei ang a, thlìr theihin an awm reng thîn a. Thlasìk vûr tlàk chur chur lai pawhin an parade an chàwl thiang chuang lo.

Ziak hrep ka va chàk, mahse … ziak sei chhiar hman lo leh chhiar peih lo kan tam! Tàwk rih mai se. I kal ve hunah, kei angin, au lùng lùngin i thiante ko ve suh! A vêngtute nèn in inzilh aleiah bengchheng in insiamsiak palh ve hlauh ang e. 😆  Links-ho hi i thlìr chuan keia han tlak teh duah vak a ngai hran tawh lo vang. Thanks for your visit to Chawnghilh’s Weblog.

WELCOME!   

Lèn luhna thlàkhlelhawmte   

Advertisements

3 Responses

Subscribe to comments with RSS.

  1. R.Lalropuia said, on January 6, 2010 at 3:02 am

    Lung no emawin mi(sual)-ho hming lo ziak la thra tûr 🙂

    • chawnghilh said, on January 6, 2010 at 6:19 am

      Lung no han chhar mai tur hi he lam ramah hian a vang mai mai teh asin! Kal leh hunah “Sandman, R. Lalropuia etc.,” tiin ziak tan ngawt mai ila, ti raw! I ti lawmawm e.

  2. irene said, on January 9, 2010 at 5:56 am

    Ka lo leng lut tawp mai.

    Pic chu mawi hlawm hle mai a. A hmunah khian kal a chakawm hle mai a…..Hmuhnawm ti lutuk in ka thlir nawn sek mai nih hi.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: